රත්මලාන, ඥානේන්ද්ර පාර ප්රදේශයේ නිවසකට අත්බෝම්බ ප්රහාරයක් එල්ලවීමේ සිද්ධියට සැකපිට සැකකරුවන් සිව්දෙනෙකු පොලිසිය විසින් ඊයේ (8) අත්අඩංගුවට ගෙන තිබෙනවා.
ඉකුත් අගෝස්තු 5වැනිදා දෙමහල් නිවසකට අත්බෝම්බ ප්රහාර දෙකක් එල්ල වී තිබූ අතර, ඉන් එකක් පුපුරා ගොස් අනෙක ගෙවත්තේ වැටී තිබියදී පොලීසිය සොයාගෙන තිබුනා.
ඒ සම්බන්ධයෙන් විමර්ශන ආරම්භ කර තිබූ ගල්කිස්ස පොලිස් ස්ථානය, මොරටුව හා රත්මලාන ප්රදේශවලදී මෙම සැකකරුවන් සිව්දෙනා අත්අඩංගුවට ගැනීමට සමත්ව තිබෙනවා.
ඔවුන් අවුරුදු 21, 26, 28 හා 30 වයස්වල පසුවන මොරටුව හා රත්මලාන ප්රදේශවල පදිංචිකරුවන් බව පොලීසිය පවසනවා.
දැනට විදේශගතව සිටින සංවිධානාත්මක අපරාධකරුවෙකුගේ මෙහෙයවීම මත මෙම අපරාධය සිදුකර ඇති බවත්, සංවිධානාත්මක අපරාධකරුවන් අතර පවතින ආරවුලක් මෙම ප්රහාරයට හේතු වී ඇති බවත්, දැනට සිදුකරන ලද විමර්ශන අනුව අනාවරණය වී තිබෙනවා.
මෙම අත්බෝම්බ ප්රහාරය හේතුවෙන් ජීවිත හානි කිසිවක් සිදු නොවූ අතර, නිවසේ ජනෙල් පියන් 2ක වීදුරු පුපුරා ගොස් තිබුණා.
ගල්කිස්ස පොලිසිය විසින් වැඩිදුර විමර්ශන කටයුතු සිදුකරනු ලබනවා.
හිටපු සුපිරි ක්රීඩක අරවින්ද ද සිල්වාගේ මව අභාවප්රාප්ත වෙයි 
සනත් ජයසූරියට හිමි වූ නවතම සන්නාම තානාපති ධූරය 
රුමේෂ් තරංග හෙට දිවයිනට 
විමල්, ගම්මන්පිල සහ දිලිත් ඇතුළු පිරිසට එරෙහි අධිකරණයට අපහාස කිරීමේ චෝදනාව ගැන අභියාචනාධිකරණයෙන් තීරණයක් 
නාමල් රාජපක්ෂව එයාර්බස් ගනුදෙනුවේ සැකකරුවෙකු ලෙස නම් කරයි 
පුෂ්පීකා ද සිල්වාගේ රූ රැජිණ කිරුළ ඉවත්කළ සිද්ධියේ විත්තිකාරියන් නිදොස් කොට නිදහස් 
ශ්රී ලංකාවේ උපන් කැම්සිට නෝර්වේ රටේ ඉහළ පුටුවක් 
කාලගුණයෙන් අවවාදාත්මක නිවේදනයක් 
ගෙවල් නැති අයට සුබ ආරංචියක් 
සැප්තැම්බර් අග ඉන්ධන මිල සංශෝධනයක්? බලශක්ති ඇමතිගෙන් ඉඟියක් 
දයාසිරි ජයසේකරගෙන් ජාත්යන්තරයට පැමිණිල්ලක් 
පාසල් සිසුන්ට සුභ ආරංචියක්