22 වැනි ආණ්ඩුක්රම ව්යවස්ථා සංශෝධනයට එරෙහි පෙත්සම් විභාග කිරීම සඳහා පූර්ණ විනිසුරු මඬුල්ලක් පත් නොකිරීම සම්බන්ධයෙන් පොදුරාජ්ය මණ්ඩලීය නීතිඥ සංගමයේ (CLA) සභාපති ස්ටීවන් තිරූ මහතා සිය කනස්සල්ල පළ කර සිටියි.
අද (02) ශ්රේෂ්ඨාධිකරණයේ පැවැති අදාළ පෙත්සම් විභාගය සඳහා නිරීක්ෂකයකු ලෙස එක්වීමෙන් අනතුරුව මාධ්ය වෙත අදහස් දක්වමින් ඒ මහතා මේ බව පැවසීය.
අධිකරණයේ ස්වාධීනත්වයට සහ ආණ්ඩුක්රම ව්යවස්ථාවට අතිශය වැදගත් වන මෙවැනි කරුණක් විභාග කිරීමට පූර්ණ විනිසුරු මඬුල්ලක් (Full Bench) පත් නොකිරීම පිළිබඳව ශ්රී ලංකා නීතිඥ ප්රජාව අතර දැඩි කතාබහක් නිර්මාණය වී ඇති බව ස්ටීවන් තිරූ මහතා සඳහන් කළේය.
සාමාන්යයෙන් මෙවැනි වැදගත් ආණ්ඩුක්රම ව්යවස්ථාමය කරුණු විභාග කිරීම සඳහා විශාල විනිසුරු මඬුල්ලක් පත් කරනු ලබන නමුත්, මෙම නඩුව සඳහා පූර්ණ විනිසුරු මඬුල්ලක් ලබා දෙන ලෙස කළ ඉල්ලීම ප්රතික්ෂේප වී ඇති බව තමාට දැනගන්නට ලැබුණු බවද හෙතෙම පැවසීය.
එබැවින් මෙවැනි තීරණාත්මක නඩුවක් සඳහා පූර්ණ විනිසුරු මඬුල්ලක් නොදීමට හේතු වූ කරුණු කවරේදැයි ප්රශ්න කළ ඒ මහතා, මෙය අධිකරණයේ ස්වාධීනත්වය හමුවේ මතුවන බරපතළ ගැටලුවක් බව වැඩිදුරටත් අවධාරණය කළේය.
කෝටි 20ක කොටු වුණු සේදවත්ත කසුන්ගේ ගෝලයා 
ශ්රී ලංකා සත්කාරකත්වයෙන් ගිලිහුණු 2027 ICC ශුරියන්ගේ කුසලානයේ සත්කාරකත්වය ඉන්දියාවට 
5 ශ්රේණිය ශිෂ්යත්ව ප්රතිඵල මත දරුවන් හිංසනයට ලක් කළොත් දැඩි දඬුවම් 
ශිෂ්යත්ව විභාගයේ වැඩිම ලකුණු කුරුණෑගලින් 
22ට එරෙහි පෙත්සම් විභාගය අවසන්! තීන්දුව කථානායකට! 
2026 ශිෂ්යත්ව විභාගයේ ප්රතිඵල නිකුත් කෙරේ 
එංගලන්තයට එරෙහි ශ්රී ලංකා එක්දින සහ T20 සංචිතය නම් කෙරේ 
ප්රවීණ සංගීතඥ විමලජිත් දොඹගහවත්ත අභාවප්රාප්ත වෙයි 
ඇමති විජිත හේරත් එක්සත් අරාබි එමීර් රාජ්යයට 
ශම්මි සිල්වාට නීතිවිරෝධී වත්කම් විමර්ශන කොට්ඨාසයෙන් කැඳවීමක් 
මාලිමාවේ පාර්ලිමේන්තු මන්ත්රීවරු 159ට එරෙහිව දිනන දකුණින් අල්ලස් කොමිසමට පැමිණිල්ලක්