උද්ධමනය තවදුරටත් පහතට

ජනලේඛන සහ සංඛ්‍යාලේඛන දෙපාර්තමේන්තුව විසින් 2024 ඔක්තෝබර් මාසය සඳහා කොළඹ පාරිභෝගික මිල දර්ශකය සහ කොළඹ නාගරික ප්‍රජාවගේ පාරිභෝගික උද්ධමන අනුපාතයන් ප්‍රකාශයට පත් කර තිබෙනවා.

2024 සැප්තැම්බර් මාසයේදී -0.5%ක් ලෙස වාර්තා වූ කොළඹ උද්ධමනය 2024 ඔක්තෝබර් මාසය වන විට -0.8% ක් දක්වා අඩු වී ඇති බවයි එහි සඳහන් වන්නේ.

එමෙන්ම ආහාර කාණ්ඩයේ වාර්ෂික උද්ධමනය 2024 ඔක්තෝබර් මාසය වන විට 1.0% දක්වා වැඩි වී තිබෙනවා.

2024 සැප්තැම්බර් මාසයේ දී -0.5% ක් ලෙස වාර්තා වූ ආහාර නොවන කාණ්ඩයේ වාර්ෂික උද්ධමනය 2024 ඔක්තෝබර් මාසයේ දී – 1.6% ක් දක්වා අඩු වී ඇති බවයි සඳහන් වන්නේ.