NDB බැංකුවේ සිදුව ඇති වංචාව, අතපසුවීම් සහ මූල්ය අධීක්ෂණයේ පද්ධතිමය දුර්වලතා පිළිබඳ සොයාබැලීමට අන්තර්ජාතික ස්වාධීන වෝහාරික පරීක්ෂණයක් පවත්වන ලෙස ඉල්ලමින් පාර්ලිමේන්තු මන්ත්රී රවී කරුණානායක ජනාධිපතිවරයා වෙත ලිපියක් යොමුකර ඇත.
ජාතික සංවර්ධන බැංකුව (NDB) සම්බන්ධයෙන් වාර්තා වී ඇති බරපතල වංචාව පිළිබඳවත්, ශ්රී ලංකා මහා බැංකුව ප්රධාන නියාමකයා ලෙස ප්රතිපත්තිය රෙගුලාසිවලට අනුකූල වීම සහ අවදානම් නිරීක්ෂණය යාන්ත්රණයන් සහතික කිරීමට අපොහොසත් වී ඇති බවත් පවසමින් පාර්ලිමේන්තු මන්ත්රී රවී කරුණානායක මෙම ලිපිය ජනපතිවරයාට යොමුකර තිබේ.
එම ලිපිය මගින් මන්ත්රීවරයා වැඩිදුරටත් පෙන්වා දී ඇත්තේ මෙම වංචනික ගනුදෙනු හේතුවෙන් රජයට ලැබිය යුතු බදු ආදායම් අහිමි වී ඇති අතර, එම පාඩුව කඩිනමින් ගණනය කර අයකර ගතයුතු බවයි.
ජනාධිපතිවරයා වෙත පාර්ලිමේන්තු මන්ත්රී රවී කරුණානායක විසින් යොමුකළ එම ලිපියේ ඇති ප්රධාන කරුණු මෙසේය.
– කිසිදු පෞද්ගලික උනන්දුවක් හෝ පක්ෂපාතීත්වයක් නොමැති, අන්තර්ජාතිකව පිළිගත් ස්වාධීන වෝහාරික පරීක්ෂණ කණ්ඩායමක් පත්කිරීම.
– පරීක්ෂණ ක්රියාවලිය සඳහා සහය වීමට පහත සඳහන් අන්තර්ජාතික ආයතනවල සහය ලබාගැනීම ගැන සලකා බැලීම.
ඉන්දීය රිසර්ව් බැංකුව (RBI)
ජපාන බැංකුව (BOJ)
එංගලන්ත බැංකුව (BOE)
සිංගප්පූරු මූල්ය අධිකාරිය (MAS
මැලේසියානු මහ බැංකුව
– පරීක්ෂණයේ විෂය පථය පුළුල් කරමින් මහබැංකුවේ නියාමන අතපසුවීම්, තාක්ෂණික පද්ධතිවල දුර්වලතා සහ ප්රාග්ධන වෙළෙඳපොළ අධීක්ෂණ අසාර්ථකත්වයන් පිළිබඳවද විමර්ශනය කිරීම, 2023 අංක 16 දරන ශ්රී ලංකා මහ බැංකු පනත යටතේ වගවීමේ රාමුව පරීක්ෂා කිරීම.
විශේෂයෙන් බැංකුවල විගණන කමිටු සාමාජිකයන්ට මූලික බැංකු ක්ෂේත්රයේ පළපුරුද්දක් නොමැති වීම මහබැංකුවේ “සුදුසු සහ යෝග්ය” (Fit and Proper) නිර්ණායකවල සඵලතාවය පිළිබඳ ගැටලුවක් මතු කරයි.
මූල්ය අංශයේ පාලනය ශක්තිමත් කිරීමට රජය ගන්නා පියවර අන්තර්ජාතික මූල්ය අරමුදල (IMF) වෙත නිල වශයෙන් දැනුම් දීම,රජයේ මුදල් පිළිබඳ කාරක සභාවේ (CoPF) සහාය මෙම ක්රියාවලිය සඳහා සහය වීමට අප කාරක සභාව සූදානමින් සිටින අතර, ස්වාධීන වෘත්තීය ආයතන හඳුනා ගැනීමට සහ නිර්දේශ කිරීමට අපට දායක විය හැකිය.මෙය ජාතික වැදගත්කමකින් යුත් හදිසි කරුණකි. අපගේ බැංකු පද්ධතිය කෙරෙහි පවතින විශ්වාසය සහ මූල්ය ස්ථාවරත්වය ආරක්ෂා කර ගැනීමට විනිවිදභාවයකින් යුත් තීරණාත්මක ක්රියාමාර්ග ගැනීම අත්යවශ්ය වේ.
මාලදිවයින් ජනපතිවරයා දිවයිනට පැමිණෙයි 
යුද හමුදා ලාන්ස් කෝප්රල්වරයෙක් අත්අඩංගුවට 
විමල්ගෙන් ආණ්ඩුවට චෝදනාවක් 
ගාල්ල බන්ධනාගාරයේ වෙඩි තැබීමක් 
භාණ්ඩාගාර මුදල් වංචාව ගැන ඇමති නලින්දගෙන් ප්රකාශයක් 
අල්ලස් කොමිසමට එන්නැයි කියූ පුවත ගැන හිටපු ජනපති මහින්දගේ පාර්ශ්වයෙන් ප්රකාශයක් 
දින 2ට වඩා උණ නම් වහාම රෝගය තහවුරු කර ගන්න! තත්ත්වය බරපතළයි! 
ශ්රී ලංකා ක්රිකට් පිලේ කොදෙව් සංචාරයේ කාල සටහන ප්රකාශයට පත් කරයි 
ත්රීරෝද රථ ගාස්තුවත් ඉහළ යන ලකුණු 
බස් ගාස්තු ගැන දැනුම්දීමක් 
රාජගිරියේදී විදෙස් ජාතිකයින් 120ක් අත්අඩංගුවට 
රුසියානු සෞඛ්ය ඇමති දිවයිනට