විමල්, ගම්මන්පිල, දිලිත් ඇතුළු පිරිසක් අධිකරණයට අපහාස කර ඇති බවට කොටුව මහේස්ත්‍රාත් අධිකරණය විසින් අභියාචනාධිකරණය වෙත කරුණු වාර්තා කරයි

හිටපු ජාතික බුද්ධි ප්‍රධානී සුරේෂ් සලේ මහතාට එරෙහිව පවතින අධිකරණ ක්‍රියාවලිය විවේචනය වන පරිදි ප්‍රසිද්ධියේ අදහස් පළ කිරීම තුළින් ප්‍රමුඛ පෙළේ දේශපාලනඥයින් සහ ක්‍රියාකාරිකයින් පිරිසක් අධිකරණයට අපහාස කර ඇති බවට කොටුව මහේස්ත්‍රාත් අධිකරණය විසින් අභියාචනාධිකරණය වෙත කරුණු වාර්තා කර තිබෙනවා.

මෙසේ කරුණු වාර්තා කර ඇත්තේ, හිටපු පාර්ලිමේන්තු මන්ත්‍රීවරුන් වන විමල් වීරවංශ, උදය ගම්මන්පිල, දිලිත් ජයවීර, අසංක නවරත්න මෙන්ම සුගීෂ්වර බණ්ඩාර සහ මහින්ද පතිරණ යන අයට එරෙහිව යි.

අදාළ නඩුව අධිකරණය හමුවේ විභාග වෙමින් පවතින අතරතුර, ඊට බලපෑම් සිදුවන ආකාරයෙන් සහ අධිකරණ ක්‍රියාවලිය ප්‍රශ්න කරමින් මාධ්‍ය හමුවේ සිදුකළ ප්‍රකාශ සම්බන්ධයෙන් අවධානය යොමු කරමින් මහේස්ත්‍රාත් අධිකරණය විසින් මෙම පියවර ගෙන තිබෙනවා.

ඒ අනුව, අදාළ පුද්ගලයින් අධිකරණයට අපහාස කිරීමේ වරද සිදුකර ඇත්දැයි පරීක්ෂා කර සුදුසු නීතිමය පියවර ගැනීම සඳහා ඉදිරි කටයුතු අභියාචනාධිකරණය හමුවේ සිදු වීමට නියමිතයි.