පහළ බැසි භාණ්ඩාගාර බිල්පත් අනුපාතික යළි ඉහළට

ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් රු. මිලියන 160,000 ක භාණ්ඩාගාර බිල්පත් වෙන්දේසියක් ඊයේ (12) දිනයේ දී කැඳවා තිබූ අතර එහිදී රු. මිලියන 99,660 ක ලංසු ප්‍රමාණයක් පිළිගෙන ඇත.

නමුත් මේ සඳහා රු. මිලියන 194,890 ක ලංසු ලැබී තිබුණි.

එහිදී දින 91 ක බිල්පත්වල පොලී අනුපාතිකය සියයට 17.79 සිට 19.08 ක් දක්වාත්, දින 182 ක බිල්පත්වල පොලී අනුපාතිකය සියයට 15.93 සිට 16.95 ක් දක්වාත් සහ දින 364 ක බිල්පත්වල පොලී අනුපාතිකය සියයට 13.86 සිට 14.04 ක් දක්වාත් ඉහළ ගොස් ඇති බවත් මහ බැංකුව වැඩි දුරටත් සඳහන් කළේය.