පාප් වහන්සේ ගැන වතිකානයෙන් නිවේදනයක්

මාසයකට අධික කාලයක් රෝහල්ගතව සිටින ශුද්ධෝත්තම ෆ්‍රැන්සිස් පාප් වහන්සේ අද (23) දිනයේ දී ජනතාව හමුවේ පෙනී සිටීමට නියමිත බව වතිකානය නිවේදනය කරනවා.

ඒ අනුව රෝමයේ වේලාවෙන් අද මධ්‍යහ්න 12 ට එය සිදු වනු ඇති බවයි එම නිවේදනයේ සඳහන් වන්නේ.

රෝහල් ගත කිරීමෙන් මසකට පසුව පළමුවරට උන්වහන්සේගේ ඡායාරූපයක් ද පසුගිය දා වතිකානය විසින් මාධ්‍ය වෙත නිකුත් කරනු ලැබුවා.

88 හැවිරිදි ශුද්ධෝත්තම ෆ්‍රැන්සිස් පාප් වහන්සේගේ පෙනහලුවල ඇති වූ නියුමෝනියා ආසාදන තත්ත්වයක් හේතුවෙන් රෝහල් ගත කර තිබුණේ පසුගිය මස 14 වනදායි.

උන්වහන්සේ රෝගී තත්ත්වයෙන් සුවය ලබමින් සිටින නමුත් තවදුරටත් ප්‍රතිකාර ලැබීමට අවශ්‍ය බව සඳහන්.