ගම්මන්පිලගේ උත්සවයට ගිය සජිත් ගැන මුජිබර් කට අරියි

පිවිතුරු හෙළ උරුමයේ නායක උදය ගම්මන්පිල මහතා විසින් රචිත “පාස්කු ප්‍රහාරයේ මහ මොළකරු” කෘතිය එළිදැක්වීමේ අවස්ථාවට විපක්ෂ නායක සජිත් ප්‍රේමදාස මහතා සහභාගී වූ බව පාර්ලිමේන්තු මන්ත්‍රී මුජිබර් රහුමාන් මහතා අද (04) තහවුරු කළා.

කෙසේවෙතත්, සමඟි ජන බලවේගයේ ඇතැම් මන්ත්‍රීවරුන් සඳහන් කළේ ඊට විපක්ෂ නායක සජිත් ප්‍රේමදාස මහතා සහභාගී නොවූ බවත් සජිත් ප්‍රේමදාස මහතා ඊට පෙනී සිටීම AI තාක්ෂණයෙන් කළ එකක් බවයි.

මෙවන් පසුබිමක් තුළ අද පැවැති ප්‍රවෘත්ති සාකච්ජාවකදී පාර්ලිමේන්තු මන්ත්‍රී මුජිබර් රහුමාන් මෙලෙස අදහස් දැක්වූවා.

මාධ්‍යවේදියා -” විපක්ෂ නායකතුමා මොකද දන්නේ නැහැ මගදි නැගිටලා ගියේ ?”

පා.ම. මුජිබර් රහුමාන් – “ඒක ඉතින් එතුමාගෙන්ම තමයි අහන්න වෙන්නේ.”

මාධ්‍යවේදියා – “එතුමා සහභාගී වුණාද ?”

පා.ම. මුජිබර් රහුමාන් – “එතුමා සහභාගී වෙලා තිබුණා.”

මාධ්‍යවේදියා – “ඔබතුමාලගේ පක්ෂයේ යම් යම් කට්ටිය කියනවා..AIවලින් ගියා කියලා ? ඔබතුමා ස්ථීර කරනවාද සහභාගී වුණා කියලා ?.”

පා.ම. මුජිබර් රහුමාන් – “මහලේකම්තුමා කිව්වානේ එතුමා සහභාගී වුණා කියලා.”