විනාශයට පත් වූ එක් නිවසක් නිවාස 2 ක් ලෙස නම්කර එහි අලාභය පිළිබඳව තක්සේරු වාර්තා ඉදිරිපත් කරමින් වන්දි මුදල් සහ නිවාස ලබා ගැනීමට දේශපාලනඥයන් 05 දෙනකු කටයුතු කරමින් සිටින බව ද වාර්තා වෙයි.
තමන්ට සිදු වූ අලාභය රුපියල් කෝටි 100 කට අධික බවට වාර්තා ඉදිරිපත් කරමින් වන්දි මුදල් ලබාගැනීමට එක්තරා දේශපාලනඥයකු කටයුතු කරමින් සිටින බව ආරංචි මාර්ග
හෙළි කරයි.
එමෙන්ම විනාශයට පත් වූ නිවාසවල සහ ගොඩනැගිලිවල නොතිබුණු වටිනා භාණ්ඩවල ලැයිස්තු ඉදිරිපත් කරමින් ඇතැම් දේශපාලනඥයෝ ඒ වෙනුවෙන් අසීමිත මුදලක් ලබා ගැනීමට ද උත්සාහ දරමින් සිටිති.
විනාශයට පත් වූ තම නිවාසවල රන් භාණ්ඩ මුදල් ඇතුළු වටිනා දේපොළ විශාල වශයෙන් තිබූ බව කියමින් ඇතැම් දේශපාලනඥයන් ඒ වෙනුවෙන් තක්සේරු වාර්තා ද ඉදිරිපත් කර ඇත.
මෙම සිද්ධීන් සම්බන්ධයෙන් විමර්ශන පවත්වන පොලිස් කණ්ඩායම් පවසන්නේ තම දේපොළ විනාශයට පත් වූ දේශපාලනඥයන් ඉදිරිපත් කර ඇති තක්සේරු වාර්තා බොහොමයක් පිළිගත හැකි ඒවා නොවන බවයි.
මෙම දේශපාලනඥයන්ගේ විනාශයට පත් වූ තම දේපොළ වෙනුවෙන් අසීමිත වන්දි ඉදිරිපත් කර ඇතත් මොවුන් එම දේපොළ ඉපයූ ආකාරය පිළිබඳව කිසිදු විමසීමක් හෝ පරීක්ෂණයක් කිරීමට මේ වන තුරු කටයුතු කර නොමැති බව ද විමර්ශන කණ්ඩායම් පවසති.
මේ හේතුව නිසා එම දේශපාලනඥයන් ඉදිරිපත් කරන දේපොළ තක්සේරු වාර්තා තමන්ට පිළිගැනීමට සිදු වී ඇති බවද ඔවූහු කියා සිටිති.
ඉකුත් මැයි 09 වැනිදා රටපුරා ඇති වූ කලබලකාරී සිද්ධීන් වලින් පසු දේශපාලනඥයන් 76 දෙනෙකුට ආසන්න පිරිසකට අයත් දේපොළ සංවිධානාත්මක පිරිස් විසින් ගිනි තබා විනාශ කර තිබිණි.
ඇතැම් ප්‍රචණ්ඩකාරීන් විසින් මෙම නිවාස සහ ගොඩනැඟිලිවල තිබූ වටිනා දේපොළ ද කොල්ලකා ගෙන ගොස් තිබූ බව විමර්ශන වලින් හෙළි විය.
උපුටාගැනීම – ‘දිවයින’ පුවත්පත
NEXT : මීටර් ටැක්සිවලට වැඩි ඉන්ධන කෝටාවක්
PREVIOUS :
වසර 19 ක් වසා තැබූ පාරක් ජනපති නියමයෙන් විවෘත වෙයි 
හිටපු මන්ත්රී ජොන්ස්ටන් ගාව රජයේ ගිනි අවි 8ක්! යෝෂිත රාජපක්ෂ ගාව 7ක්! 
සුරේෂ් සලේ ඉවතට! රාජ්ය බුද්ධි සේවයට නව අධ්යක්ෂවරයෙක් පත් කරයි! 
සංස්ථා, මණ්ඩල, අධිකාරි සභාපතිවරුන්ට ඉල්ලා අස් වී ගෙදර යන්න කියයි 
ජනප්රිය යූ ටියුබ් තරුවක් කොළඹින් මහ මැතිවරණයට 
වාහන ආනයනය යළි ඇරඹෙන දිනය පිළිබඳ ඉඟියක් 
IMF ක්රියාවලිය ගැන මුදල් අමාත්යාංශයෙන් නිවේදනයක් 
හෂාන් තිලකරත්නගේ බිරිඳට සජිත්ගෙන් තෑග්ගක් 
දේශපාලන පක්ෂ පහකට මහ මැතිවරණයට තරග කිරීම තහනම් කරයි