වාහන පැති කණ්නාඩි හයට මිනියක් මරයි

කොච්චිකඩේ දළුව කොටුව ප්‍රදේශයේ පිහිටි වාහන අලෙවි කිරීමේ ස්ථානයකට ඇතුළු වී එහි මුරකරුගේ අත් පා ගැට ගසා කටට පාන්කඩ ඔබා ඝාතනය කර මෝටර් රථ තුනක පැති කණ්ණාඩි 6ක් ගලවා ගෙන ගොස් ඇතැයි කොච්චිකඩේ පොලිසිය පවසයි.

මෙසේ ඝාතනය කර ඇත්තේ, මාරවිල හාල්පාන්විල ප්‍රදේශයේ පදිංචිව සිටි ආර්.පී.එස්. විමලදාස නමැති 66 හැවිරිදි පුද්ගලයෙකි.

සොරාගෙන ගොස් ඇති පැති කණ්ණාඩිවල වටිනාකම රුපියල් තුන් ලක්ෂ අසුදාහක් පමණ පමණ යැයි පොලිසිය සඳහන් කරයි.

වාහන අලෙවිසලේ අයිතිකරු එහි පැමිණි අවස්ථාවේ මුරකරුගේ අත් පා ගැට ගසා කටට පාන්කඩ ඔබා තිබෙන අයුරු සහ ඔහු මිය ගොස් සිටි අයුරු දැක ඇතැයි පොලිසිය කියයි.

source – lankadeepa