ශ්‍රී ලංකන් වෙතින් පාරිභෝගිකයින්ට විශේෂ වට්ටම්

සැප්තැම්බර් 1 වැනිදාට යෙදී ඇති ශ්‍රී ලන්කන් ගුවන් සේවයේ 46 වන සංවත්සරය වෙනුවෙන් පාරිභෝගිකයන්ට විශේෂ වට්ටම් සහ දීමනා එකතුවක් පිරිනැමීමට කටයුතු යොදා තිබෙනවා.

ඒ අනුව, සැප්තැම්බර් 1 වැනිදා සිට 5 වනදා දක්වා ශ්‍රී ලන්කන් නිල වෙබ් අඩවිය හරහා ව්‍යාපාරික පන්තියේ ගුවන් ප්‍රවේශ පත්‍ර මිලදී ගන්නා පාරිභෝගිකයන්ට 20% ක වට්ටමක් හිමිවනු ඇති.

ඉකොනොමි ක්ලාස් හෙවත් පිරිමැසුම් පන්තිය ප්‍රවේශ පත්‍ර සඳහා 15% ක වට්ටමක් හිමිවනවා.

එසේම, ශ්‍රී ලන්කන් ගුවන් සේවයේ පාරිභෝගික ලැදියා වැඩසටහනේ සාමාජිකයන්ට ද මේ යටතේ 46% ක ප්‍රසාද සැතපුම් දීමනාවක් ලබාදීමට නියමිතයි.