බියගමට අලුත් තාලයේ රෝහලක්! ‘වෙල්නස් විලේජ්’ යටතේ බියගමට අංග සම්පූර්ණ රෝහලක්!

බියගම රෝහල ආශ්‍රිතව වෙල්නස් විලේජ් සංකල්පයට අනුව නව රෝහලක් ඉදි කිරීමට අදාළව ඉඩම් අත්පත් කරගැනීම පිළිබඳ සාකච්ඡාවක් දේශගුණික විපර්‍යාස පිළිබඳ ජනාධිපති උපදේශක රුවන් විජේවර්ධනගේ ප්‍රධාන්තවයෙන් පැවැත්වුණා. 
 
ඒ අද (27) පෙරවරුවේ ජනාධිපති කාර්යාලයේදියි. 
 
ජනාධිපති රනිල් වික්‍රමසිංහගේ සංකල්පයකට අනුව ශ්‍රී ලංකාව තුළ ප්‍රථම වරට වෙල්නස්
විලේජ් සංකල්පය ක්‍රියාවට නැංවෙන අතර, ‘මෙඩිකල් ටුවරිසම්’ ප්‍රවර්ධනය එහි ඉලක්කය
වී තිබෙනවා. 
 
විදේශීය සංචාරකයින් ඉලක්ක කරගනිමින් ජාත්‍යන්තර ප්‍රමිතියෙන් යුතු සියලු පහසුකම්
සහිතව මෙය රෝහලක් ලෙස ඉදිකිරීමටයි සැලසුම් වී ඇත්තේ. 
 
රෝහලේ සැලැස්ම ගැන සොයා බැලූ රුවන් විජේවර්ධන ඉඩම් අත් පත් කරගැනීම් කඩිනමින් සිදුකර රෝහලේ වැඩකටයුතු අරඹන ලෙසයි නිලධාරින්ට උපදෙස් ලබා දී ඇත්තේ.