පොලීසියට වැරදුණු වෙඩිල්ලෙන් 14 හැවිරිදි සිසුවෙකුගේ හිසට වෙඩි! අසාධ්‍ය සිසුවා කරාපිටියේ දැඩි සත්කාර ඒකකයට !

පාසල් සිසුවෙකුට වෙඩිවැදීමේ සිද්ධියක් සමග මාතර තිහගොඩ පොලිස් ස්ථානයේ උණුසුම් තත්ත්වයක් ඇතිවී තිබේ.

තිහගොඩ පොලිස් වසමේ මිදෙල්ලවල කටුවනතුඩුව ප්‍රදේශයේදි පොලිස් අන නොකතා ධාවනය වූ තීරෝද රථයක් අත්අඩංගුවට ගැනීමට යාමේදී පොලිස් නිලධාරියෙකු සතු පිස්තෝල ගිනි අවියක් ක්‍රියාත්මක වීමෙන් වයස 14 තරුණයකුගේ හිසට බරපතළ තුවාල ලබා මාතර මහ රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා ගාල්ල කරාපිටිය රෝහල වෙත මාරුකර යවා ඇතැයි රෝහල් ආරංචි මාර්ග පවසයි.

මෙලෙස තුවාල ලබා රෝහල් ගතකර තිබෙන්නේ පි.බි හරේෂ් හංසක දේශාන් නැමැති ගොඩුගෙවත්ත,නායිම්බල,තිහගොඩ ප්‍රදේශයේ පදිංචි .වයස අවු 14. ක තරුණයෙකි.

සිසුවා මේ වනවිට කරාපිටිය රෝහලේ දැඩි සත්තාක ඒකකයේ ප්‍රතිකාර ලබන බව වාර්තා වෙයි.

එම සිද්ධියත් සමග ගම්වාසීන් තිහගොඩ පොලීසිය අසලට රැස්වීමත් සමග උණුසුම් තත්ත්වයක් හටගෙන තිබේ.

තත්ත්වය පාලනය කිරීම සඳහා අවට පොලිස් ස්ථානවලින් නිලධාරීන් කැඳවා ඇති බවද වාර්තා විය.

එහිදී කඹුරුපිටිය පොලීසියේ ජීප් රථයකට පහරදීමක් ද සිදුවී ඇති බව අප වාර්තාකරු පැවසීය.

මේ අතර සිද්ධිය සම්බන්ධයෙන් උප පොලිස් පරීක්ෂකවරයෙකුගේ වැඩ තහනම් කර අත්අඩංගුවට ගෙන ඇති බවද වාර්තා වෙයි.

කෙසේවෙතත් සිද්ධියට මුහුණ දුන් සිසුවෙකු පවසා ඇත්තේ ත්‍රිරෝද රථය නතර කිරීමට පොලීසිය අණ නොකළ බවය.