බංග්ලාදේශය පිළිබඳ තීරණාත්මක අවසන් තීරණය අදයි

විස්සයි විස්ස ලෝක කුසලාන තරගාවලියේ බංග්ලාදේශය පිළිබඳ අවසන් තීරණයක් අද පැවැත්වෙන අන්තර්ජාතික ක්‍රිකට් කවුන්සිලයේ විධායක රැස්වීමේදි ගැනීමට නියමිතයි.

විදෙස් මාධ්‍ය සඳහන් කළේ බංග්ලාදේශයේ ස්ථාවරයට සහය පළකරන බව පාකිස්තාන ක්‍රිකට් පාලක මණ්ඩලය ද අන්තර්ජාතික ක්‍රිකට් කවුන්සිලයට ලිඛිතව දන්වා ඇති බවයි.

මේ අතර, තම කණ්ඩායමේ ලෝක කුසලාන ගමන අවිනිශ්චිත තත්ත්වයක ඇති බවයි ටයිම්ස් ඔෆ් ඉන්ඩියා ප්‍රවෘත්ති සේවය කළ විමසීමකදී බංග්ලාදේශ නායක ලිටන් දාස් පවසා ඇත්තේ.

විස්සයි විස්ස ලෝක කුසලාන තරගාවලිය පෙබරවාරි 7 වැනිදා උදෑසන කොළඹ එස්.එස්.සී. පිටියේ පැවැත්වෙන පාකිස්තාන අයර්ලන්ත තරගයෙන් ආරම්භ වුව ද එහි නිල සමාරම්භක උළෙල එදින පස්වරුවේ ඉන්දියාවේදී පැවැත්වීමට නියමිතයි.