සොරකමක් සිදුකළ බාලවයස්කරුවන් දෙදෙනා වාහනයක ගැට ගසා මාර්ගයේ ඇදගෙන ගිහින්

සොරකමක් සිදු කිරීම සම්බන්ධයෙන් බාලවයස්කාර ළමුන් දෙදෙනෙක් වාහනයක ලණුවකින් ගැට ගසා මාර්ගයේ ඇදගෙන ගිය සිදුවීමක් ඉන්දියාවෙන් වාර්තා වෙනවා.

ඉන්දියාවේ ඉන්දෝර්හි චොයිත්‍රම් එළවළු වෙළඳපොලේ මෙම සිදුවීම සිදුව තිබෙනවා.

බාල වයස්කරුවන් දෙදෙනනෙකු, එළවළු ව්‍යාලාරිකයෙකුගෙන් ඉන්දීය රුපියල් 10,000ක මුදලක් සහ ජංගම දුරකථනයක් සොරාගෙන පළා යාමටයි උත්සාහ කර ඇත්තේ.

මොවුන් දෙදෙනා වයස අවුරුදු 13 සහ 17 යන වයස්වල පසුවන්නන් බවයි වාර්තා වන්නේ.

මෙම ව්‍යාපාරිකයා සිය ලොරි රථයේ නිදා සිටියදී මොවුන් දෙදෙනා මෙලෙස මුදල් සහ ජංගම දුරකථනය සොරකම් කර තිබෙනවා.

සොරකම සිදුකිරීමෙන් පසු පළායාමට උත්සහ කළ මොවුන් දෙදෙනා වෙළඳපොලේ රැඳී සිටි පිරිස විසින් අල්ලාගෙන පහර දී, වාහනයක ගැට ගසා පාරේ ඇදගෙන ගොස් ඇති බවයි එරට මාධ්‍යය වාර්තා සඳහන් කළේ.

බාල වයස්කරුවන්ට එරෙහි හිංසනයන් සිදුකිරීම සම්බන්ධයෙන් ව්‍යාපාරිකයාට සහ තවත් තිදෙනෙකුට එරෙහිව නීතිමය ක්‍රියාමාර්ග ගැනීමටයි පොලිසිය කටයුතු කර ඇත්තේ.