ඉන්දු – පාකිස්ථාන පස මිතුරු සටනින් පසු ජනපති අනුරගෙන් විශේෂ ෆේස්බුක් සටහනක්

පන්දුවාර විස්සයි විස්ස ලෝක කුසලාන තරගාවලියේ ලොව පුරා ක්‍රිකට් ලෝලීන් මහත් උනන්දුවෙන් බලා සිටි ඉන්දියාව සහ පාකිස්ථානය අතර තීරණාත්මක තරගය ඊයේ (15) කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී උත්කර්ෂවත් අයුරින් පැවැත්විණි.

මුළු මහත් ක්‍රීඩා ලෝලීන්ගේම අවධානය දිනාගත් මෙම තියුණු සටනින් පාකිස්ථාන කණ්ඩායම ලකුණු 61 කින් පරාජය කරමින් විශිෂ්ට ජයක් වාර්තා කිරීමට ඉන්දීය කණ්ඩායම සමත් විය.

මෙම සුවිශේෂී තරගය නැරඹීම සඳහා ජනාධිපති අනුර කුමාර දිසානායක මහතා ද කෙත්තාරාම ක්‍රීඩාංගණය වෙත පැමිණ සිටි අතර, ජනාධිපතිවරයාට අමතරව ක්‍රීඩා අමාත්‍ය සුනිල් කුමාර ගමගේ සහ විදේශ කටයුතු අමාත්‍ය විජිත හේරත් යන මහත්වරුන් ද මෙම අවස්ථාවට එක්ව සිටියහ. එසේම මෙරට ඉන්දීය මහ කොමසාරිස් සන්තෝෂ් ජා, ජාත්‍යන්තර ක්‍රිකට් කවුන්සිලයේ සභාපති ජේ ෂා මෙන්ම ආසියානු ක්‍රිකට් කවුන්සිලයේ සහ පාකිස්ථාන ක්‍රිකට් ආයතනයේ සභාපති මොක්සින් නක්වි යන මහත්වරුන් ඇතුළු දෙස් විදෙස් ප්‍රභූන් රැසක් ප්‍රේක්ෂකාගාරයේ අසුන්ගෙන සිටිනු දැකගත හැකි විය.

තරගය අවසානයේ ජනාධිපති අනුර කුමාර දිසානායක මහතා සිය නිල ෆේස්බුක් පිටුවට විශේෂ සටහනක් එක් කරමින්, තරගයේ උද්යෝගය සහ ක්‍රීඩාව හරහා ගොඩනැගෙන ජාත්‍යන්තර සබඳතාවල වැදගත්කම පිළිබඳව සිය අදහස් පළ කර තිබුණි.