ගොම ප්‍රහාරයට සාධාරණයක් ඉල්ලා සුගීෂ්වරගෙන් UN එකට ලිපියක්

නව ජනතා පෙරමුණේ නායක සුගීෂ්වර බණ්ඩාර ඇතුළු පිරිසක් විසින් කොළඹ පිහිටි එක්සත් ජාතීන්ගේ කාර්යාලය වෙත ලිපියක් භාර දී තිබෙනවා.

පසුගියදා මුදල් අමාත්‍යාංශ ලේකම් හර්ෂණ සූරියප්පෙරුමගේ නිවස ඉදිරිපිට පැවති සාමකාමී විරෝධතාවයේදී එල්ල වූ ගොම ප්‍රහාරය සම්බන්ධයෙන් පොලිසියට පැමිණිලි කළ ද, ඒ පිළිබඳ මෙතෙක් කිසිදු ක්‍රියාමාර්ගයක් ගෙන නොමැති බව මධ්‍ය වෙත අදහස් දක්වමින් ඔහු සඳහන් කර තිබෙනවා.

ඒ අනුව එදින ප්‍රහාරය එල්ල කළ පිරිස් අද දින අරගලයේ සැමරුම් සමරමින් සිටින බවත්, මෙම සිදුවීමට මැදිහත් වී සාධාරණයක් ඉටු කර දෙන ලෙසත් සිය එක්සත් ජාතීන්ගේ කාර්යාලයට ලිපිය මඟින් ඉල්ලා සිටි බවයි සුගීෂ්වර බණ්ඩාර එහිදී වැඩිදුරටත් සඳහන් කර සිටියේ.