ඩොලරයේ විකුණුම් මිල සැලකිය යුතු ලෙස පහළට

පසුගිය දින කිහිපය පුරා අමෙරිකානු ඩොලරයට සාපේක්ෂව ශ්‍රී ලංකා රුපියල ශීඝ්‍රයෙන් අවප්‍රමාණය වීමක් නිරීක්ෂණය වුවද, ඊයේ (22) දින අන්තර් බැංකු ගනුදෙනු අවසානයේදී වාණිජ බැංකු රැසකම ඩොලරයේ විකුණුම් මිල (Selling Rate) රුපියල් 340 මට්ටමට වඩා පහළ අගයකට පැමිණ තිබේ.

පසුගිය දින කිහිපයේ පැවති ඉල්ලුම මත ඩොලරයේ මිල සීග්‍රයෙන් ඉහළ ගිය අතර, එහි උපරිම අවස්ථාවක් ලෙස පෙරේදා (21) දිනයේදී අමෙරිකානු ඩොලරයක විකුණුම් මිල රුපියල් 354ක් ලෙස සටහන් විය. එය ඊට පෙර දිනට වඩා රුපියල් 12ක දැවැන්ත මිල ඉහළ යාමකි.

කෙසේ වෙතත්, ඊයේ පස්වරුව වන විට වෙළඳපොළ තත්ත්වයන් වෙනස් වෙමින් ප්‍රධාන රාජ්‍ය සහ පෞද්ගලික වාණිජ බැංකු රැසකම ඩොලරයේ විකුණුම් අගයන් සලකා බැලිය යුතු මට්ටමකින් පහත වැටී ඇති ආකාරය දැකගත හැකි විය. ඒ අනුව, ලංකා බැංකුව සහ නේෂන්ස් ට්‍රස්ට් බැංකුව (NTB) රුපියල් 336ක සීමාව දක්වාම සිය විකුණුම් මිල පහත හෙළා තිබුණි.