හෝමාගම පොලිස් සිර මැදිරියේදී මියගිය තරුණයාගේ අවසන් කටයුතු අද! බිරිඳ ඇතුළු පස් දෙනෙකුට අධිකරණ නියෝගයක්!

හෝමාගම පොලිස් සිරමැදිරියේදී මියගිය ඉෂාර හර්ෂ කුමාර තරුණයාගේ බිරිඳ ඇතුළු පස් දෙනෙකු වෙත උද්ඝෝෂණ සහ පෙළපාලි පැවැත්වීම වළක්වාලමින් කැස්බෑව දිසා අධිකරණය විසින් ඊයේ (28) නියෝගයක් නිකුත් කරන ලදී.

කහතුඩුව පොලිසිය මගින් අපරාධ නඩු විධාන සංග්‍රහයේ 106 (1) වගන්තිය ප්‍රකාරව කළ ඉල්ලීමක් සලකා බලමින් මෙම නියෝගය ලබාදී ඇත.

අද (29) දින කිරිවත්තුඩුව ගල්කන්ද පොදු සුසාන භූමියේදී අවසන් කටයුතු සිදු කෙරෙන අතරතුර, කිරිවත්තුඩුව, මූණමලේ වත්ත, 17 වන පටුමගේ සිට ගල්කන්ද සුසාන භූමිය දක්වා වූ ප්‍රධාන සහ අතුරු මාර්ගවල මහජන පීඩාවක්, දේපළ හානියක් හෝ වාහන ගමනාගමනයට බාධාවක් වන පරිදි කටයුතු කිරීම මෙමගින් තහනම් කර තිබේ.

මෙම අධිකරණ නියෝගය ඉදිරි දින 14ක කාලයක් සඳහා වලංගු වේ.