සජිත් ප්‍රේමදාසට සජබ නායකත්වය අහිමි වේවිද? පක්ෂයෙන් පැහැදිලි කිරීමක්

සමගි ජන බලවේගයේ නායක සහ විපක්ෂ නායක සජිත් ප්‍රේමදාස වෙනුවට වෙනත් අයෙකු ආදේශ කිරීමට සැලසුම් ඇති බවට පැතිර යන තොරතුරු සමගි ජන බලවේගය විසින් ප්‍රතික්ෂේප කර තිබේ.

එම පක්ෂ මූලස්ථානයේ පැවති මාධ්‍ය හමුවකට එක්වෙමින් සමගි ජන බලවේගයේ හොරණ ආසනයේ සංවිධායක චරිත් අබේසිංහ මේ බව පැවසීය.

ප්‍රධාන විපක්ෂයේ භූමිකාව තීරණාත්මක වී ඇති අවස්ථාවක එවැනි වැරදි තොරතුරු පැතිරවීමේ අරමුණ අර්බුදයක් ඇති කිරීම බව ඔහු සඳහන් කළේය.

සමගි ජන බලවේගය තුළ සිටින කණ්ඩායමක් පක්ෂය තුළ ගැටලු ඇති කිරීමට කුමන්ත්‍රණය කරන බවට එල්ල වන චෝදනා ද ඔහු ප්‍රතික්ෂේප කළේය.