ශ්‍රී ලංකා කාන්තාවන් ඉන්දියාවට පරදී

ඊයේ(23) ඉන්දියාවේ විශාකාපට්නම්හිදී ඉන්දීය කාන්තා ක්‍රිකට් කණ්ඩායම සමග පැවති දෙවන පන්දුවාර විස්සයි විස්ස ක්‍රිකට් තරඟයෙන්ද ශ්‍රී ලංකා කාන්තා ක්‍රිකට් කණ්ඩායම පරාජයට පත් වුණා.

තරඟයේ ප්‍රථමයෙන් පන්දුවට පහර දුන් ශ්‍රී ලංකා කාන්තා ක්‍රිකට් කණ්ඩායම නියමිත පන්දුවාර විස්ස අවසානයේ රැස් කළේ කඩුලු 09කට ලකුණු 128ක් පමණයි.

ඉනිමේ වැඩිම ලකුණු ලාභියා බවට පත් වූ හර්ෂිතා සමරවික්‍රම ලකුණු 33ක් රැස් කළා.

ජයග්‍රහණය සඳහා ලකුණු 129ක ඉලක්කයක් හඹා ගිය ඉන්දීය කාන්තා කණ්ඩායම 12වන පන්දුවාරයේදී තරඟය ජයගත්තේ කඩුලු 03ක් පමණක් දැවී තිබියදීයි.

ශෆාලි වර්මා පන්දු 34කදී වේගවත් ලකුණු 69ක් නොදැවී රැස් කළා.

දෙරට අතර පැවති පළමු තරඟයෙන්ද ඉන්දීය කාන්තා කණ්ඩායම ජය ගත්තා.