2026 වසරේ පැවැත්වීමට නියමිත විස්සයි විස්ස ලෝක කුසලාන ක්රිකට් තරගාවලිය සඳහා සහභාගී වන ලෙස ජාත්යන්තර ක්රිකට් කවුන්සිලය (ICC) කළ ආරාධනය පිළිගැනීමට ස්කොට්ලන්ත කණ්ඩායම තීරණය කර තිබේ.
ආරක්ෂක හේතූන් මත බංග්ලාදේශය තරගාවලියෙන් ඉවත් වීමට ගත් තීරණයත් සමඟ, විස්සයි විස්ස ශ්රේණිගත කිරීම් සැලකිල්ලට ගනිමින් මෙම අවස්ථාව ස්කොට්ලන්තයට හිමි විය.
විශේෂ නිවේදනයක් නිකුත් කරමින් ස්කොට්ලන්ත ක්රිකට් ආයතනයේ සභාපති විල්ෆ් වොල්ෂ් (Wilf Walsh) සඳහන් කළේ, සිය කණ්ඩායම ඉන්දියාවේ සංචාරය කිරීමට ඉතා කැමැත්තෙන් සහ සූදානමින් පසුවන බවයි. ජාත්යන්තර ක්රිකට් කවුන්සිලයේ සභාපති ජේ ෂා (Jay Shah) මහතා තමා වෙත ලබා දුන් පෞද්ගලික ඇමතුමකට අනුව මෙම සහභාගීත්වය ස්ථිර කළ බව ඔහු වැඩිදුරටත් පැවසීය.
මීට පෙර බංග්ලාදේශ කණ්ඩායම ඉන්දියාවේ පැවැත්වෙන තරග සඳහා ආරක්ෂක හේතූන් මත සිය අකමැත්ත ප්රකාශ කර තිබුණි. ඔවුන්ගේ තරග වෙනත් මධ්යස්ථානයක පවත්වන ලෙස හෝ සිය කාණ්ඩය වෙනස් කර දෙන ලෙස කළ ඉල්ලීම්වලට ICC වෙතින් යහපත් ප්රතිචාරයක් නොලැබීම හේතුවෙන්, බංග්ලාදේශය මෙවර තරගාවලියට සහභාගී නොවීමට අවසානයේ තීරණය කරනු ලැබීය.
ලොකු පැටීගේ රුපියල් ලක්ෂ 350ක දේපොළ තහනම් 
උද්ධමනය තවදුරටත් ඉහළට 
අභියාචනාධිකරණයට වැඩබලන සභාපතිවරයෙක් 
නායයෑම් රතු නිවේදන 
උසස් පෙළ ප්රායෝගික පරීක්ෂණ කාලසටහන නිකුත් කෙරේ 
22 ගැන රහස් තීරණය කථානායක අතට 
රට අනුරට ලැබී අදට වසර දෙකයි 
120,000කට අලුතින් රජයේ රැකියා 
වාරිමාර්ගයෙන් අනතුරු ඇඟවීමක් 
අඩු පීඩන කලාපයක් වර්ධනය වෙයි 
ඔක්තෝබර් මාසයේ තෙල් මිලට සහනාධාරයක් – ජනපති