පසුගිය කාලසීමාව පුරා සමාජ මාධ්ය ජාලයන්හි දැඩි කතාබහට ලක්වූ තම පෞද්ගලික ජීවිතයට අදාළ මතභේදාත්මක සිදුවීම සහ ඒ සම්බන්ධයෙන් පැවති නීතිමය ක්රියාදාමය සාර්ථකව අවසන් වූ බව ශ්රී ලංකා ක්රිකට් ක්රීඩක භානුක රාජපක්ෂ මහතා පවසයි. සිය X (ට්විටර්) ගිණුමෙහි සටහනක් තබමින් ඔහු මේ බව අනාවරණය කර තිබේ.
සමාජ මාධ්ය ඔස්සේ ප්රසිද්ධ වූ වීඩියෝවක් මුල් කරගනිමින් ඇති වූ මෙම තත්ත්වය පිළිබඳව මෙතෙක් නිහඬව සිටීමට හේතුව ද ඔහු පැහැදිලි කළේය. අදාළ කරුණ අධිකරණය හමුවේ විභාග වෙමින් පැවති බැවින්, මෙරට නීතිමය ක්රියාදාමයට ගරු කරමින් ඒ පිළිබඳව ප්රසිද්ධියේ කතා නොකිරීමට තමන් තීරණය කළ බව ඔහු එහිදී සඳහන් කර ඇත.
දැනට පවතින තත්ත්වය අනුව අදාළ ගැටලුව සම්පූර්ණයෙන්ම විසඳී ඇති බවත්, විවෘත අධිකරණයේදී තමන් සතු බඩුබාහිරාදිය නැවත තමන් වෙත ලබා දීමට පියවර ගත් බවත් භානුක රාජපක්ෂ මහතා පවසයි. මෙම ක්රියාවලිය විනිවිදභාවයකින් යුතුව අවසන් වීම පිළිබඳව තමන් සතුටට පත්වන බව ද ඔහු වැඩිදුරටත් කියා සිටියේය.
තම ජීවිතයේ ඇති වූ මෙම පෞද්ගලික බාධාවන් නිරාකරණය වීමත් සමඟ, නැවතත් සිය සම්පූර්ණ අවධානය ක්රිකට් ක්රීඩාව වෙත යොමු කරන බව ඔහු අවධාරණය කළේය. තම උපරිම ශක්තියෙන් ශ්රී ලංකා මාතාව නියෝජනය කරමින් ඉදිරියටත් ක්රීඩා කිරීම තම එකම බලාපොරොත්තුව බව ද ඔහු සිය සටහන මගින් දන්වා ඇත.
බක්මහ උළෙලක ගැටුමක් දුරදිග යයි! සහෝදරයා බේරාගන්න ගිය පොලිස් සැරයන්වරයා ජීවිතක්ෂයට! 
ප්රවේශම්වන්න! ඔබගේ බැංකු ගිණුම හිස් කරන අලුත්ම ඩිජිටල් ජාවාරම ගැන පොලිසියෙන් රතු නිවේදනයක්! 
රාගම වෙළඳසැලකදී කාන්තාවකගේ හිසකෙස් කැපූ පිරිසට ලැබුණු නියෝගය 
ශ්රී ලංකා රුපියල තවදුරටත් අවප්රමාණය වෙයි! මහ බැංකුවෙන් අලුත්ම වාර්තාවක්! 
පහළොස් දහසක අල්ලසක් ගත් රජයේ නිළධාරියෙකුට අමතක නොවන දඬුවමක් 
අනතුරුදායක ලෙස රිය පැදවූ තරුණයෙකුට වැඩ වරදී 
අද පස්වරුවේ ගිගුරුම් සහිත වැසි 
සාම පා ගමනේ අද ගමන් මග 
මැයි මාසයේ මත්පැන් අලෙවිසැල් වසා තැබෙන දින 3ක් පිළිබඳව දැනුම්දීමක් 
මහින්ද පතිරණට එරෙහි වටගලගේ අපහාස නඩුව කැඳවයි 
සජබ ප්රබලයෙක් සිය තනතුරුවලින් ඉවත්වෙයි 
රුමේෂ් තරංගගෙන් ලෝක මට්ටමේ දක්ෂතාවක්