හානි වූ හෙල්ලයන් වෙනුවට ක්‍රීඩා ඇමැතිගෙන් රුමේෂ්ට අලුත් හෙල්ල කට්ටලයක්

ලෝක අල්ටිමේට් ශූරතාව දිනා දිවයිනට පැමිණීමේදී ගුවන් ගමනේදී හානියට පත් වූ ශ්‍රී ලංකා මලල ක්‍රීඩක රුමේෂ් තරංගගේ හෙල්ල වෙනුවෙන් නව හෙල්ල කට්ටලයක් ලබා දීමට කටයුතු කරන බව ක්‍රීඩා අමාත්‍ය සුනිල් කුමාර ගමගේ මහතා ප්‍රකාශ කර තිබේ.

අද (15) උදෑසන දිවයිනට පැමිණි රුමේෂ් තරංග සතු රුපියල් ලක්ෂ 20කට අධික වටිනාකමකින් යුතු හෙල්ල 5ක් මෙසේ ගුවන් මගින් ගෙන ඒමේදී කැඩී දැඩි ලෙස හානි වී තිබිණි.

තමන් මීටර් 92 සීමාවට එහා දක්ෂතා දක්වමින් ජයග්‍රහණ ලබාගත් හෙල්ල මෙසේ හානියට පත්ව ඇති බව රුමේෂ් තරංග කණගාටුවෙන් සඳහන් කළ අතර, සිද්ධිය සම්බන්ධයෙන් අදාළ ගුවන් සේවා ආයතනය වෙත ද පැමිණිලි කර ඇත.