කොළඹ මහනගර සභාවේ හිටපු නාගරික මන්ත්‍රී මහින්ද කහඳගම මහතා සංවිධානාත්මක මත්ද්‍රව්‍ය ජාවාරම්කරුවන් සමඟ ඉතා සමීපව කටයුතු කර ඇති බවට තොරතුරු රැසක් අනාවරණය වී තිබේ.
මහින්ද කහඳගම මහතා අයිස් මත්ද්‍රව්‍ය ජාවාරම් කරන බවට ලද තොරතුරකට අනුව සිදු කළ විමර්ශනයකදී, අද (06) පෙරවරුවේ ඔහුව අයිස් මත්ද්‍රව්‍ය ද සමඟ අත්අඩංගුවට ගැනීමට මධ්‍යම අපරාධ විමර්ශන කාර්යාංශය සමත් විය.
ඒ අනුව සිදු කළ වැඩිදුර විමර්ශනවලදී, ඔහු ඩුබායි රාජ්‍යයට ගොස් මත්ද්‍රව්‍ය ජාවාරම්කරුවන් පිරිසක් සමඟ සාදයක් පවත්වන දර්ශන පෙළක් විමර්ශන නිලධාරීන්ට හමුවී ඇත.
එම දර්ශනවල ‘මෝදර නිපුන’ නමැති අපරාධකරුගේ සහෝදරයා වන චතුර දිල්රුක්ෂාන් සහ ‘කෙසෙල්වත්තේ දිනූෂ’ නමැති මත්ද්‍රව්‍ය ජාවාරම්කරුවන් සිටින අතර, ඔවුන් සමඟ කහඳගම මහතා ඉතා සමීපව කටයුතු කරන ආකාරය දැක්වේ.
එහිදී ඔවුන් කහඳගම මහතාව ‘ඩැඩා’ යනුවෙන් ආමන්ත්‍රණය කිරීම ද සිදු කරයි.
එමෙන්ම ‘ඉබ්බගේවත්තේ සුජී’ නමැති මත්ද්‍රව්‍ය ජාවාරම්කරු සමඟ ද ඔහු සමීප සබඳතා පවත්වා ඇති අතර, ඔවුන් අතර සිදු වූ දුරකථන සංවාදවල තොරතුරු ද විමර්ශන නිලධාරීන් සොයාගෙන ඇත.
ඔහු ‘ඉබ්බගේවත්තේ සුජී’ගෙන් ලබාගත් අයිස් මත්ද්‍රව්‍ය සඳහා මුදල් ගෙවීම පැහැර හැරීම හේතුවෙන් මරණ තර්ජන පවා එල්ල වී තිබූ බව විමර්ශනවලදී වැඩිදුරටත් හෙළි වී තිබේ.
මේ අතර මහින්ද කහඳගමගෙන් ලද තොරතුරු මත පදනම්ව සිදු කළ වැටලීමකදී, මෙම මත්ද්‍රව්‍ය ජාලයට සම්බන්ධ තවත් සැකකරුවෙකු අයිස් මත්ද්‍රව්‍ය මිලිග්‍රෑම් 1100ක් සමඟ නුගේගොඩ ප්‍රදේශයේදී අත්අඩංගුවට ගෙන ඇත.
මෙම සැකකරුවන් දෙදෙනා වැඩිදුර විමර්ශන සඳහා නාරාහේන්පිට පිහිටි මධ්‍යම අපරාධ විමර්ශන කාර්යාංශය වෙත රැගෙන ගොස් ඇති අතර, ඔවුන් අද (06) මාලිගාකන්ද මහේස්ත්‍රාත් අධිකරණයට ඉදිරිපත් කර රැඳවුම් නියෝග ලබාගැනීමට නියමිතය.
සුරේෂ් සලේ රෝහලෙන් යළි අපරාධ පරීක්ෂණ දෙපාර්තමේන්තුවට 
සිරගත කළ ඥානසාර හිමිගේ ඇඳුම පිළිබඳව බන්ධනාගාර කොමසාරිස්ගෙන් පැහැදිලි කිරීමක් 
මහින්ද කහඳගම රඳවාගෙන ප්රශ්න කිරීමට අවසර 
නාමල් රාජපක්ෂගෙන් ජනපතිට ලිපියක් 
ඉන්ධන මිල පිළිබඳව ඛනිජ තෙල් සංස්ථාවෙන් දැනුම්දීමක් 
නාමල් රාජපක්ෂ යළි රිමාන්ඩ් 
හිටපු ඇමති සරණ ගුණවර්ධනගේ බිරිඳ තවදුරටත් රිමාන්ඩ් 
ඥනසාර හිමි සරම ඇදන් අධිකරණයට 
3000කට වැඩ වරදී.. දැන්වත් පටි තද කරගන්න 
ශිරන්ති රාජපක්ෂට FCIDයෙන් දැනුම්දීමක් 
ප්රදේශ කිහිපයකට මි.මී. 75 ඉක්මවූ වැසි 
ප්රකට ලේඛකයෙකු වූ ජෙෆ්රි ආචර් අභාවප්රාප්ත වෙයි