ශ්‍රී ලංකා මානව හිමිකම් කොමිෂන් සභාවේ නව සාමාජිකයන් පත් කෙරේ

ශ්‍රී ලංකා මානව හිමිකම් කොමිෂන් සභාවේ නව සභාපතිවරයා ලෙස විශ්‍රාමික විනිසුරු වී. කේ. මලල්ගොඩ මහතා ජනාධිපති අනුර කුමාර දිසානායක මහතා විසින් පත් කර තිබේ.

එස්.වයි.එම්. ගෝමස්, ඒ.එල්.ඒ. අසීස්, වෛද්‍ය එස්.එස්.එස්.බී.ඩී.එච්. ජයවර්ධන සහ මහාචාර්ය ටී. ජයසිංගම් යන මහත්ම මහත්මීහු සෙසු සාමාජිකයන් ලෙස පත් කර ඇත.

නාධිපති ලේකම් ආචාර්ය නන්දික සනත් කුමානායක මහතා විසින් අද (30) පස්වරුවේ ජනාධිපති ලේකම් කාර්යාලයේදී අදාළ පත්වීම් ලිපි භාරදෙන ලදී.

කොමිෂන් සභාවේ පෙර සිටි සාමාජිකයන්ගේ ධුර කාලය අවසන් වීමෙන් ඇතිවූ පුරප්පාඩු වෙනුවෙන් මෙම නව පත්වීම් සිදු කර තිබේ.