රටම බලා සිටි ශ්‍රේෂ්ඨාධිකරණ තීන්දුව ප්‍රකාශයට පත් කරයි

ජනාධිපතිවරුන්ගේ හිමිකම් (අවලංගු කිරීමේ) පනත් කෙටුම්පතේ කිසිදු විධිවිධානයක් ආණ්ඩුක්‍රම ව්‍යවස්ථාවේ කිසිදු විධිවිධානයකට අනනුකූල නොවන බව කථානායකවරයා නිවේදනය කර තිබෙනවා.

එමෙන්ම පාර්ලිමේන්තුවේ සරල බහුතරයෙන් එය බලාත්මක කළ හැකි බව ශ්‍රේෂ්ඨාධිකරණය තීරණය කර ඇති බවයි කථානායකවරයා සඳහන් කළේ.

හිටපු ජනාධිපතිවරුන්ට හෝ ඔවුන්ගේ වැන්දඹුවන්ට ගෙවනු ලබන නිල නිවාස සහ මාසික දීමනා ඉවත් කිරීමට උත්සාහ කරන මෙම පනත් කෙටුම්පතේ ව්‍යවස්ථානුකූලභාවය අභියෝගයට ලක් කරමින් ශ්‍රේෂ්ඨාධිකරණයට පෙත්සම් කිහිපයක් ගොනු කර තිබිණි.

හිටපු ජනාධිපතිවරයකුට හෝ ඔවුන්ගේ වැන්දඹුවට ලබා දෙන මාසික ලේකම් දීමනාව සහ නිල ප්‍රවාහනය සහ එවැනි අනෙකුත් පහසුකම් ඉවත් කිරීමට ද කෙටුම්පත මගින් යෝජනා කර තිබේ.