ජලාශ 15ක වාන් දොරටු විවර කරයි

පවතින අධික වර්ෂාපතනයත් සමග කුඩා සහ විශාල ප්‍රමාණයේ ජලාශ 15ක් පමණ වාන් දමන බව වාරිමාර්ග දෙපාර්තමේන්තුව ප්‍රකාශ කර තිබෙනවා.  

වාරිමාර්ග අධ්‍යක්ෂ ජනරාල් එල්.එස්. සූරියබණ්ඩාර මහතා සඳහන් කළේ, රාජාංගණය ජලාශයේ වාන් දොරටු 6ක් විවෘත කර තිබෙන අතර ඉන් තත්ත්පරයට ඝන අඩි 5087 ක ජල ධාරිතාවක් කලා ඔයට මුදා හරින බවයි. 

රාජාංගණය, සියඹලන්ගමුව, දැදුරුඔය ජලාශය, බතලගොඩ, හත්වටුනාඔය, යෝධ වැව ආදී ජලාශ ඇතුළු වැව් කිහිපයක් ද වාන් දමා තිබුණා.

වාරිමාර්ග දෙපාර්තමේන්තුව ජනතාවට  දැනුම් දී තිබෙන්නේ, පවතින වර්ෂාපතනය හේතුවෙන් ඉදිරියේදී එම ජලාශවල ජල මට්ටම් තවදුරටත් ඉහළ යා හැකි බැවින් ඒ අශ්‍රිත ප්‍රදේශවල ජනතාව සැළකිලිමත් විය යුතු බවයි.