ඉන්දියාවේ මහාරාෂ්ට්‍රයේ සතාරා දිස්ත්‍රික්කයේ රජයේ රෝහලක සේවය කරන වෛද්‍යවරියක් සියදිවි හානි කර ගෙන ඇති පුවතක් සම්බන්ධයෙන් මේ වන විට ඉන්දියාව තුළ දැඩි ආන්දෝලනයක් ඇති වී තිබේ.
විදෙස් මාධ්‍ය වාර්තා කළේ අදාළ වෛද්‍යවරිය තමාගේ මරණයට හේතුව කුමක්ද යන්න පිළිබඳව සිය අතෙහි සටහනක් තබා ඇති බවය.
එහි ඇය සඳහන් කර ඇත්තේ පොලිස් නිලධාරීන් දෙදෙනෙකු විසින් තමාට කායික හා මානසික හිරිහැර සිදු කිරීම හේතුවෙන් තමා මෙසේ සිය දිවි නසා ගන්නා බවය.
වැඩිදුරටත් ඇය එහි දක්වා ඇත්තේ පසුගිය මාස පහ පුරාවටම එක් පොලිස් නිලධාරියෙකු විසින් තමා කිහිප වතාවක්ම දූෂණයට ලක් කර ලිංගික හිරිහැර කළ බවත් අනෙක් නිලධාරියා විසින් තමාට මානසික හිරිහැර කළ බවත් ය.
අදාළ වෛද්‍යවරිය විසින් මේ පිළිබඳව පොලීසියට පැමිණිලි කර තිබුණ ද ඔවුන් ඒ පිළිබඳව සැලකිල්ලක් දක්වා නොමැති බවද සඳහන් වේ.
වෛද්‍යවරිය සිය දිවි නසා ගැනීමත් සමග අදාළ සැකකාර පොලිස් නිලධාරීන් දෙදෙනා ප්‍රදේශයෙන් පළා ගොස් තිබේ.
කෙසේවෙතත් මේ වන විට එම නිලධාරීන් දෙදෙනාගේ වැඩ තහනමට ලක්ව ඇති අතර වෛද්‍යවරියගේ අතෙහි තිබූ සියදිවි නසා ගැනීමේ සටහනේ සඳහන් චෝදනා අනුව විමර්ශනයක් ද ආරම්භ කර ඇති බව විදෙස් මාධ්‍ය වාර්තා කර ඇත.
මේ පිළිබඳව අදහස් දක්වමින් මහාරාෂ්ට්‍ර කාන්තා කොමිසමේ ප්‍රධානී රූපාලි චකන්කර් පවසා ඇත්තේ මේ කාරණය සම්බන්ධයෙන් චූදිතයන්ට එරෙහිව දැඩි පියවර ගන්නා බවය.
පලා ගිය සැකකරුවන් සොයා ගැනීමට පොලිස් කණ්ඩායම් යොදවා ඇති බවද සඳහන් වේ.
ජලාශ 15ක වාන් දොරටු විවර කරයි 
වැලිගම සභාපති ආරක්ෂාව ඉල්ලා පොලිස්පතිට ලියූ ලිපිය ගැන පොලිසියෙන් නිවේදනයක් 
බලශක්ති ඇමති හා ලේකම් මත ගැටුමක! ලේකම් දුන් සේවා දිගුවක් ඇමති අවලංගු කරයි! 
ඩොලරයේ විකුණුම් මිල රුපියල් 307 සීමාව ඉක්මවා යයි 
රජරට රැජින දුම්රියේ ගින්නක් 
හිටපු ප්රබල මන්ත්රීවරයෙක් දිලිත් සමඟින් එක්වෙයි! ලොකු තනතුරකුත් පිරිනමයි! 
මුහුදේ අඩුපීඩන කලාපය සුළිකුණාටුවක් වන ලකුණු 
කාලගුණ දෙපාර්තුමේන්තුව ජනතාවගෙන් කළ ඉල්ලීම 
2025 උසස් පෙළ විභාගයට පෙනී සිටීමට නියමිත සිසුන්ට වැදගත් දැනුම්දීමක් 
රට පුරා පැතිර යන රෝගයක් පිළිබඳව සෞඛ්ය අංශ අනතුරු අඟවයි 
හිටපු මන්ත්රී අමරකීර්ති අතුකෝරල ඝාතනයේ නඩු තීන්දුව ප්රකාශයට දින නියම වෙයි 
හිතුමතේ අක්කර ගණනින් ඉඩම් බෙදා ගත් හිටපු ලොක්කන්ගේ නම් ලැයිස්තුවක් එළියට