කිරිඳි ඔය දෙපස වෙසෙන ජනතාවට අනතුරු ඇඟවීමක්

වැල්ලවාය සහ අලිකොටආර ජලාශයේ ජල පෝෂක ප්‍රදේශවලට ඇද හැලෙන අධික වර්ෂාපතනය සමග වැල්ලවාය අලිකොටආර ජලාශයේ ජල මට්ටම ශීඝ්‍රයෙන් ඉහල ගොස් තිබෙන බව වාර්තා වෙනවා.

අලිකොටආර ජලාශයේ වාන් දොරටු තුනක් අඩි දෙක බැගින් විවෘත කර ඇති අතර, එම නිසා කිරිඳි ඔයේ ජල මට්ටම ශීඝ්‍රයෙන් ඉහල ගොස් ඇති බවයි සඳහන් වන්නේ.

මෙම තත්ත්වය නිසා වේවැල්කඳුර – වැල්ලවාය මාර්ගයේ, අලිකොටආර හරහා ඇති සපත්තු පාලම ජලයෙන් යට වී තිබෙන බවත්, එම මාර්ගයේ ගමනාගමනයට බාධා එල්ල වී ඇති බවත් සඳහන්.

මෙම තත්ත්වය මත, කිරිඳි ඔය දෙපස ජනතාව අවධානයෙන් පසුවන ලෙසයි මොණරාගල දිස්ත්‍රික් ආපදා කලමානාකරණ ඒකකය ජනතාවගෙන් ඉල්ලා සිටින්නේ.