රජයට උතුරන්න සල්ලි තියෙනවා – හර්ෂ ද සිල්වා

ආපදා තත්ත්වයෙන් රට මුදාගැනීම සඳහා තවත් රුපියල් බිලියන 500ක ඇස්තමේන්තුවක් පාර්ලිමේන්තුවට ඉදිරිපත් කළ යුතු බව පාර්ලිමේන්තු මන්ත්‍රී හර්ෂ ද සිල්වා මහතා පවසයි. ඒ සඳහා ආණ්ඩුව සතුව ප්‍රමාණවත් මුදල් පවතින බවද ඔහු සඳහන් කරයි.

තවද ‘Rebuilding Sri Lanka’ අරමුදල ව්‍යවස්ථාපිත අරමුදලක් ලෙස පාර්ලිමේන්තුවෙන් සම්මත කළ යුතු බව ඔහු අවධාරණය කළා.

ජනාධිපතිවරයා පැවසූ පරිදි වන්දි ලබාදීමට මුදල් තිබුණද, එම වන්දි ලබාදීමේ ක්‍රමවේදය පිළිබඳ ගැටලු ඇති බවයි ඔහු පවසන්නේ.

එමෙන්ම රාජ්‍ය නිළධාරීන් අභිබවා පැලවත්තෙන් පත් කළ පුද්ගලයින් කටයුතු කරන බවට චෝදනා පවතින බවත්, ජනතාව මත බදු බර පටවමින් ආණ්ඩුව මුදල් රැස් කර ඇති බවත් ඔහු සඳහන් කළා. භාණ්ඩාගාරයේ මුදල් නොමැති බව නොකියන ලෙසද, භාණ්ඩාගාරයේ ප්‍රමාණවත් මුදල් පවතින බව පැවසීම හේතුවෙන් තමන්ට විවේචන එල්ල වූ බවද ඔහු සිහිපත් කළා.