විස්සයි20 ලෝක කුසලානයේ ඉන්දීය සංචිතය නම් කරයි

එළැඹෙන 2026 විස්සයි20 ලෝක කුසලානය සඳහා ඉන්දීය සංචිතය අද (20) පස්වරුවේ නම් කළේය.

සූර්යකුමාර් යාදව්ගේ නායකත්වයෙන් ක්‍රීඩකයන් 15ක සංචිතයක් මේ සඳහා නම්කර ඇති අතර, එම සංචිතයෙන් උපනායක ශුබ්මන් ගිල් ඉවත්කර ඇත. 

මේ වනවිට විස්සයි20 තරග බිමේ පසුබෑමකට ලක්ව ඇති ගිල් අවසන් ඉනිම 15 තුළ එක් අර්ධ ශතකයක් හෝ රැස්කර නොමැත.

ඒ අනුව අක්ෂාර් පටෙල්ට උපනායකත්වය හිමිව ඇති අතර, එම සංචිතයේ රින්කු සිං සහ ඉෂාන් කිෂාන්ටද ඉඩක් වෙන්කර තිබේ.

2026 T20 ලෝක කුසලානය සඳහා වන ඉන්දීය සංචිතය

සූර්යකුමාර් යාදව් (නායක), අභිෂේක් ෂර්මා, සංජු සැම්සන් (කඩුලු රකින්නා), තිලක් වර්මා, හර්දික් පාණ්ද්‍යා, ශිවම් ඩුබේ, අක්සාර් පටෙල් (උපනායක), රින්කු සිං, ජස්ප්‍රිත් බුම්රා, හර්ෂිත් රානා, අර්ෂ්දීප් සිං, කුල්දීප් යාදව්, වරුන් චක්‍රවර්ති, වොෂින්ටන් සුන්දර්, ඉෂාන් කිෂාන් (කඩුලු රකින්නා)