කොළඹට තදාසන්න ප්රදේශයේ පාසලක තරුණ ගුරුවරියක සමග රාත්රී සමාජ ශාලාවකට ගොස් සිටියදී ඇය මත්කර ලිංගික අතවර කළැයි කියන සිද්ධියකට අදාළව එම පාසලේම ගුරුවරයකු සම්බන්ධයෙන් විමර්ශනයක් ආරම්භ කර ඇතැයි කුරුදුවත්ත පොලීසිය කොළඹ ප්රධාන මහේස්ත්රාත් නන්දන අමරසිංහ මහතාට අද (25) කරුණු වාර්තා කළේය.
විසි පස් හැවිරිදි පැමිණීලිකාර තරුණ ගුරුවරිය, තිස් පස් හැවිරිදි ගුරුවරයා සමඟ ඉකුත් 19 වැනිදා ගල්කිස්සේ පිහිටි සමාජ ශාලාවකට ගොස් මත්පැන් පානය කර නටමින් සතුටුවෙමින් සිට ඇති බවත්, පසුව වෙනත් සමාජ ශාලාවකටද ගොස් ඇති බවත් කුරුදුවත්ත පොලීසිය අධිකරණයට කරුණු වාර්තා කර ඇත.
අනතුරුව කුරුදුවත්ත ප්රදේශයේ හෝටලයකට ගොස් රුපියල් 6000ක මුදලට කාමරයක් වෙන්කරවාගෙන ඇති අදාළ ගුරුවරයා, ගුරුවරිය සමග එදින රැය ගත කර පසුවදා සවස නැවත නිවෙස් වෙත ගොස් ඇති අතර මේ සම්බන්ධයෙන් ගුරිවරිය පොලීසියට පැමිණීල්ලක් ඉදිරිපත් කළේ ඉන් පසුව බවද පොලීසිය අධිකරණයට කරුණු ඉදිරිපත් කර තිබේ.
මෙම සිද්ධිය සම්බන්ධයෙන් අදාළ ගුරුවරයා තම ස්ථානයට කැදවා ප්රකාශ ලබාගත් අතර තමන් කිසිදු දෙයක් එම ගුරුවරියට නොකළ බවත් කාමරයක් වෙන්කරවා ගෙන ඇය හා රාත්රීය ගතකලේ ඇය ආරක්ෂා කිරීමට බවත් ගුරුවරයා කළ ප්රකාශයෙන් සදහන් වන බව කුරුදුවත්ත පොලීසිය අධිකරණයට කරුනු ඉදිරිපත් කර තිබේ.
ඒ අනුව මෙම සිද්ධිය සම්බන්ධයෙන් විමර්ශණයක් ආරම්භ කර ඇති අතර එම විමර්ශන පවත්වා අධිකරණයට කරුණු වාර්තා කරන බව ද කුරුදුවත්ත පොලිසිය අධිකරණයට දැනුම් දී ඇත.
(නිමන්ති රණසිංහ – ලංකාදීප)
හිටපු පොලිස්පති සී.ඩී. වික්රමරත්නගේ අවසන් කටයුතු සිදු කෙරේ 
ජාතික තරුණ සේවා සභාවට නව අධ්යක්ෂ මණ්ඩලයක් 
වාහන 3ක් එකිනෙක ගැටෙයි! දෙදෙනෙක් රෝහලට! 
2025 GIT විභාග ප්රතිඵල නිකුත් කෙරේ 
මුදල් කොමිෂන් සභාවේ නව සභාපති සහ සාමාජිකයන් පත් කෙරේ 
ඉන්දියාව සිය පළමු ඩෙංගු එන්නත අනුමත කරයි 
විෂ සහිත ඇට වර්ගයක් ආහාරයට ගත් සිසුන් 22ක් රෝහලට 
ප්රධාන වාණිජ බැංකුවල ඩොලරයේ ගැනුම් හා විකුණුම් මිල ගණන් 
ලංකා IOC සමාගමේ ලාභය පහළට 
කාලගුණයෙන් අවවාදාත්මක නිවේදනයක් 
ලිංගිකත්වය වෙනස් කිරීමේ චක්රලේඛයට එරෙහිව ගොනු කළ පෙත්සම ශ්රේෂ්ඨාධිකරණයෙන් නිෂ්ප්රභ කෙරේ 
ඇමති සමන්ත විද්යාරත්නට ප්රසිද්ධියේ අභියෝග කළ චාමර සම්පත්