පසුගිය දිනවල ශ්රී ලංකාවට බලපෑ අයහපත් කාලගුණික තත්ත්වය හේතුවෙන් තාවකාලිකව නවත්වා තිබූ පින්නවල අලි අනාථාගාරයේ අලි ඇතුන් දිය නාවනු ලබන මා ඔය වෙත අලි ඇතුන් රැගෙන යාම යළි ආරම්භ කරනු ලැබූ බව ජාතික සත්වෝද්යාන දෙපාර්තමේන්තුව පවසනවා.
නිවේදනයක් නිකුත් කරමින් එම දෙපාර්තමේන්තුව සඳහන් කර ඇත්තේ අයහපත් කාලගුණික තත්ත්වය හේතුවෙන් මා ඔය ප්රදේශයේ ජලය බොරවීම, ජලය සමග පැමිණ තිබූ වැලි හා රොන් මඩවිල්න අලි ඇතුන් නාවන ස්ථානය යටවීම මෙන්ම එම වැලි අතර අලි ඇතුන්ට අනතුරුදායක වීදුරු කැබලි හා යකඩ කැබලි රැඳී පැවතීම නිරීක්ෂනය වූ බවයි.
මෙම තත්ත්වය සැලකිල්ලට ගනිමින් අලි ඇතුන්ගේ සුබසාධනය හා ආරක්ෂාව සඳහා මා ඔය වෙත අලි ඇතුන් රැගෙන යාම තාවකාලිකව සීමා කිරීමට පින්නවල අලි අනාථාගාරය කටයුතු කළ බවත් එම දෙපාර්තමේන්තුව සඳහන් කළා.
පසුව වාරිමාර්ග දෙපාර්තමේන්තුවේ අනුමැතිය යටතේ එක්ස්කැවේටර් යන්ත්රයක් උපයෝගී කරගනිමින් මා ඔය අලි නාවන ස්ථානයේ රැඳී තිබූ වැලි හා අනෙකුත් අපදව්ය ඉවත් කර පිරිසිදු කිරීම සිදුකළ බවත් ජාතික සත්වෝද්යාන දෙපාර්තමේන්තුව සිය නිවේදනයේ සඳහන් කර තිබෙනවා.
ඒ අනුව පසුගිය 24 වැනිදා සිට අලි ඇතුන් සුපුරුදු වේලාවන් හිදි සාමාන්ය පරිදි මා ඔය වෙත රැගෙන යාම නැවත ආරම්භ කළ බවත් එම දෙපාර්තමේන්තුව නිකුත් කළ නිවේදනයේ වැඩිදුරටත් සඳහන් වනවා.

බංග්ලාදේශයේ පළමු කාන්තා අගමැතිනි ජීවිතක්ෂයට
රජරට සරසවි ආචාර්යවරු සහ මහාචාර්යවරු වැඩවර්ජනයක
කේරල ගංජා සමඟ ප්රා. සභා මන්ත්රීවරයෙක් අත්අඩංගුවට
ගාල්ල මහ නගර සභාවේ උණුසුම් තත්ත්වයක්! මන්ත්රීවරුන්ගෙන් ජල ප්රහාරයක්!
අවුරුදු 20 – 30ත් අතර පසුවන ඔබේ දරුවා ගැන අවධානයෙන් පසුවෙන්න
රුසියන් ජනපති පුටින්ගේ නිල නිවසට ඩ්රෝන ප්රහාරයක්?
නොරොච්චෝලේ ජනන යන්ත්ර 2ක් අලුත්වැඩියාවක! මෙගාවොට් 600ක් විදුලිබල පද්ධතියට අහිමි වෙයි!
අද තද වැසි වැටෙන ප්රදේශ
හෙට කොළඹ එද්දි බලාගෙනයි! විශේෂ රථවාහන සැලැස්මක්!
නව අධ්යාපන ප්රතිසංස්කරණවලට සඟ සමුළුවෙන් එල්ල වූ දැඩි විරෝධය
බාබා වැන්ගාගෙන් 2026 වසර ගැන අදහාගන්නවත් බැරි අනාවැකි රැසක්
T20 වාර්තා පොත අලුත් කළ භූතානයේ සෝමන්