ලෝකයේම ඇස් ලංකාව දෙසට යොමුවෙයි

ශ්‍රී ලංකාවේ විශාලතම ජාත්‍යන්තර මැණික් ප්‍රදර්ශනය වන “Gem Sri Lanka 2026” අග්‍රාමාත්‍ය ආචාර්ය හරිනි අමරසූරිය සහ අමාත්‍ය සුනිල් හඳුන්නෙත්ති මහතාගේ ප්‍රධානත්වයෙන් කොළඹ ෂැන්ග්‍රීලා හෝටලයේදී ඊයේ (07) ආරම්භ වුණා.

මෙරට මැණික් හා ස්වර්ණාභරණ වෙළඳ සංගමය (CGJTA) විසින් තෙවන වරටත් සංවිධානය කරනු ලබන මෙම ප්‍රදර්ශනය සඳහා රටවල් 50 ක ගැණුම්කරුවන් 2000 කට අධික පිරිසක් සහභාගී වනවා.

ජනවාරි 9 වනදා දක්වා පැවැත්වෙන මෙම ප්‍රදර්ශනය වෙළඳ කුටි 110 කින් සමන්විත වන අතර මෙහිදී “The Sri Lankan Sapphire Legacy” සඟරාවද නිල වශයෙන් එළිදැක්වුණා.

මැණික් කර්මාන්තය හරහා දේශීය ආර්ථිකය ශක්තිමත් කිරීමට රජයේ පූර්ණ සහයෝගය ලබාදෙන බවයි අග්‍රාමාත්‍යවරිය මෙහිදී අවධාරණය කළේ.