ඇමෙරිකානු ගුවන් යානයක් කඩා වැටෙයි! වගකීම ඉරාක ප්‍රතිරෝධී කණ්ඩායම භාරගද්දී, ඇමෙරිකාවෙන් වෙනස්ම කතාවක්!

ඉරාකයේ බටහිර ප්‍රදේශයේදී ඇමෙරිකානු හමුදාවට අයත් KC-135 වර්ගයේ ඉන්ධන පිරවුම් ගුවන් යානයක් කඩා වැටීමේ සිද්ධිය සම්බන්ධයෙන් මේ වන විට දැඩි මතභේදාත්මක තත්ත්වයක් නිර්මාණය වී තිබේ.

ඉරානයේ සහාය ලබන ‘ඉරාක ඉස්ලාමීය ප්‍රතිරෝධී ව්‍යාපාරය’ (Islamic Resistance in Iraq) සිය නිල ටෙලිග්‍රෑම් නාලිකාව හරහා නිවේදනයක් නිකුත් කරමින් මෙම යානය බිම හෙළීමේ වගකීම භාරගෙන ඇත.

තමන් සතු ගුවන් ආරක්ෂක පද්ධති මගින් අදාළ යානය ඉලක්ක කළ බවත් එම ප්‍රහාරය සාර්ථක වී යානය බිම හෙළූ බව ඔවුන් අවධාරණය කරයි.

කෙසේ වෙතත්, ඇමෙරිකානු බලධාරීන් මෙම ප්‍රකාශය තරයේ ප්‍රතික්ෂේප කර සිටියි.

ගුවනේදී යානා දෙකක් එකිනෙක ගැටීමෙන් මෙම අනතුර සිදුව ඇති බවත් අනතුරට පත් එක් යානයක් කඩා වැටී ඇති අතර, අනෙක් යානය ආරක්ෂිතව ඊශ්‍රායලයට ගොඩබස්වා ඇති බවත් ඔවුන් පවසනවා.