ශ්රී ලංකා රුපියල මේ වසර තුළ අවප්රමාණය වීමට ප්රධාන හේතුව වී ඇත්තේ මැදපෙරදිග කලාපයේ පවතින අර්බුදකාරී තත්ත්වය සහ එහි ප්රතිඵලයක් ලෙස ගෝලීය තෙල් මිල ඉහළ යාම බව මහ බැංකු අධිපති ආචාර්ය නන්දලාල් වීරසිංහ මහතා පවසයි.
ඊයේ (18) පැවති මාධ්ය හමුවකට එක්වෙමින් මහ බැංකු අධිපතිවරයා සඳහන් කළේ, තෙල් ආනයනය සඳහා විදේශ විනිමය අවශ්යතාව ඉහළ යාමත් සමඟ රුපියල මත පීඩනයක් එල්ල වී ඇති බවය.
ඔහු පෙන්වා දුන්නේ 2026 වසර තුළ ශ්රී ලංකා රුපියල සියයට 4.8කින් අවප්රමාණය වී ඇති අතර, ඉන්දියානු රුපියල සියයට 6.4කින්, නේපාල රුපියල සියයට 6.2කින් සහ ඉන්දුනිසියානු මුදල් ඒකකය සියයට 5.2කින් අවප්රමාණය වී ඇති බවය.
ඒ අනුව, මෙය ශ්රී ලංකාවට පමණක් සීමා වූ තත්ත්වයක් නොවන අතර, තෙල් ආනයනය මත විශාල වශයෙන් රඳා පවතින රටවල් රැසකටම පොදුවේ බලපා ඇති ගෝලීය ආර්ථික කම්පනයක ප්රතිඵලයක් බව ද මහ බැංකු අධිපතිවරයා අවධාරණය කළේය.
එමෙන්ම 2022 වසරේදී ශ්රී ලංකා රුපියල දැඩි ලෙස අවප්රමාණය වූයේ රට තුළ පැවති විශේෂිත ආර්ථික ගැටලු හේතුවෙන් බවත්, වර්තමාන තත්ත්වය ඊට වඩා වෙනස්ව ජාත්යන්තර වෙළෙඳපොළේ ඇති වූ බලපෑම් සමඟ සම්බන්ධ බවත් ඔහු පැවසීය.
විනිමය අනුපාතයේ වෙනස්වීම් පමණක් පදනම් කරගෙන රටක ආර්ථිකය කඩා වැටී ඇති බවට නිගමනය කිරීම නිවැරදි නොවන බව ද මහ බැංකු අධිපතිවරයා වැඩිදුරටත් සඳහන් කළේය.
එහිදී වැඩිදුරටත් අදහස් දැක්වූ මහ බැංකු අධිපති ආචාර්ය නන්දලාල් වීරසිංහ මහතා,
“අපි වගේම තෙල් ආනයනයකරලා ගන්න රටවල් තියෙනවා. දැන් අපේ රුපියල අවප්රමාණය වෙලා තියෙන්නේ මේ වසර තුළ 4.8% කින්, ඉන්දියන් රුපියල 6.4%කින්, නේපාල් රුපියල 6.2කින් ඉන්දුනිසියන් රුපියල 5.2%කින් එතකොට මේක බැලුවාම පැහැදිලිව පේනවා මේ තියෙන අවප්රමාණයවීම ප්රධාන වශයෙන්ම මේ හා සමාන අනෙක් රටවලටත් පොදු දෙයක්. එ හා සමානව මේක වෙලා තියෙන්නේ. ඊට වැඩිය වෙනස් විදිහකට නෙමෙයි. ඒකට හේතුව තමයි බහුතරයක් තෙල් සම්පූර්ණයෙන්ම ආනයනය කරලා ඒ වියදම වැඩි රටවල්.
2022 වසරේදී තිබුණ තත්ත්වයකදී වුණේ අපේ රුපියල විශාල වශයෙන් අවප්රමාණය වුණා ලංකාවට පමණක් බලපාන හේතුනිසා ඒක ගෝලිය තත්ත්වයන් නිසා නෙමෙයි. දැන්වෙලා තියෙන තත්ත්වය අනුව ශ්රී ලංකාව තියෙන්නේ අනෙකුත් යම් කිසි ආකාරයක සංසන්දනාත්මක රටවල් අතර යම් ආකාරයක එක මට්ටමක තියෙනවා. එතකොට ඒක බාහිර කම්පන මත සිදුවන දෙයක්.
අපි දැකලා තියෙනවා බොහෝ වෙලාවට විනිමය අනුපාත මත සමහර විශ්ලේශකයෝ අදහස් ප්රකාශ කරලා තියෙනවා, අපි දකිනවා විනිමය අනුපාත අවප්රමාණය වෙනවා කියන්නේ රටේ ආර්ථිකය කඩා වැටෙනවා කියන එක. අපේ ප්රධාන මාධ්යවේදීයෝ එහෙම කරන්නේ නැහැ. දැන් ඉන්දියානු රුපියල ඉතිහාසයේ අඩුම අගයේ තියෙන්නේ, ඉන්දුනිසායානු රුපියල අද දිනයේ ඉතිහාසයේ අඩුම අගයට වාර්තා වෙලා තියෙනවා. නමුත් එකෙන් කියන්නේ නැහැ, ඒ රටවල ආර්ථිකය කඩා වැටෙනවා, අවිනිශ්චිතයි කියලා. ඒක වැරදි මතකයක්. විනිමය අනුපාතයක් දිහා බලලා රටක ආර්ථිකය හොඳද නරකද කියලා කියන්න අමාරුයි. එකේ දෙපැත්තක් තියෙනවා.”
කොළඹට යන එන අයට විශේෂ දැනුම්දීමක් 
නිරිත දිග මෝසම සක්රීය වන ලකුණු! අද කාලගුණ නිවේදනය! 
ජාතික විජයග්රාහී සැමරුම අද ජනපති ප්රධානත්වයෙන්! මෙවර සැමරුමෙහි විශේෂත්වයක්! 
හිටපු ජනපති මහින්දගේ පාර්ශ්වයෙන් නිවේදනයක් 
සතිය ආරම්භයේදීම කොටස් වෙළෙඳපොළේ දැවැන්ත පහත වැටීමක් 
දන්සල් සඳහා බෞද්ධ කොඩි භාවිතය තහනම් කරයි 
හිරුණිකාට එරෙහි වරෙන්තුව ආපසු කැඳවයි 
රණවිරු සැමරුම් පෙරහුරුවට බාධා කළ විමල් වීරවංශ ඇතුළු පිරිසට වැඩ වරදී 
මෙරට ආර්ථිකය ගැන මහ බැංකු අධිපතිගෙන් විශේෂ ප්රකාශයක් 
සමාජ මාධ්ය කැලඹූ වීඩියෝවෙන් පසු ගායන ශිල්පී චාමර රණවක අත්අඩංගුවට 
දුම්රිය දෙපාර්තමේන්තුව ජනතාවට කළ දැනුම්දීම 
චාමර සම්පත්ට රට යන්න අවසර