පොලී අනුපාතික තවදුරටත් ඉහළට

මුදල්, ක්‍රමසම්පාදන සහ ආර්ථික සංවර්ධන අමාත්‍යාංශය යටතේ ඇති රාජ්‍ය ණය කළමනාකරණ කාර්යාලය විසින් අද (10) දින කැඳවා තිබුණු භාණ්ඩාගාර බිල්පත් වෙන්දේසියේ දී ඵලදා අනුපාතිකයන් හි ඉහළ යාමක් තවදුරටත් වාර්තා වී තිබේ.

ඒ අනුව,

දින 91 බිල්පත් ඵලදා අනුපාතිකය 9.84% සිට 10.09%ක් දක්වා පදනම් අංක 25කින්,

දින 182 බිල්පත් ඵලදා අනුපාතිකය 10.01% සිට 10.27%ක් දක්වා පදනම් අංක 26කින් සහ,

දින 364 බිල්පත් ඵලදා අනුපාතිකය 10.02% සිට 10.16%ක් දක්වා පදනම් අංක 14කින් ඉහළ ගොස් තිබේ.

මේ අතර රු. මිලියන 140,000ක බිල්පත් ප්‍රමාණයක් අද දින වෙන්දේසියට ඉදිරිපත් කර තිබුණු අතර ඒ සඳහා රු. මිලියන 201,006ක ලංසු ප්‍රමාණයක් ලැබී තිබුණි.

කෙසේවෙතත් ලංසු පිළිගෙන තිබුණේ රු. මිලියන 71,744කට පමණි.