අදට යෙදෙන ඇසළ පුර පසළොස්වක පොහොයෙහි වැදගත්කම

ශාසනික හා බෞද්ධ ඉතිහාසයේ වැදගත් සිදුවීම් රැසක් සිදුවූ ඇසළ පුර පසළොස්වක පොහොය දිනය අදට (29) යෙදී තිබේ.

බෝසතාණන් වහන්සේ මාතෘ කුස පිළිසිඳ ගැනීම, මහා අභිනිෂ්ක්‍රමණය, රාහුල කුමරුගේ උපත, බුදුරජාණන් වහන්සේ ප්‍රථම ධර්ම දේශනාව පැවැත්වීම, අභිධර්මය දේශනා කිරීම සහ භික්ෂූන් වහන්සේලා වස් විසීම ආරම්භ කිරීම අද වැනි දිනක සිදුවී ඇත.

එමෙන්ම අරිට්ඨ කුමරු ඇතුළු පිරිස උපසම්පදාව ලැබීම සහ දන්ත හා හේමමාලා යුවළ ශ්‍රී දන්ත ධාතූන් වහන්සේ ලක්දිවට වැඩම කරවීම ද සිදුවූයේ ඇසළ පෝදාකය.

විහාරස්ථානවල වැඩවසන භික්ෂූන් වහන්සේලා වස්වැසීම ආරම්භ කරනු ලබන්නේ ද ඇසළ පුරපසළොස්වක පොහොය දිනයේ සිට වීම විශේෂත්වකි.

බෞද්ධ සහ ශාසන ඉතිහාසයේ ඉතා වැදගත් පොහොයක් ලෙස සැලකෙන ඇසළ පුර පසළොස්වක පොහොය දිනය නිමිත්තෙන් දිවයින පුරා වෙහෙර විහාරස්ථානවල ආගමික වැඩසටහන් රැසක් සංවිධානය කර තිබේ.