අධිකරණ ඇමැතිට නීතිඥ සංගමයේ සභාපතිගෙන් ප්‍රශංසා

විනිසුරුවරුන්ගේ විශ්‍රාම ගැන්වීමේ වයස් සීමාව දීර්ඝ කිරීමේ ගැටලුව සම්බන්ධයෙන් ශ්‍රී ලංකා නීතිඥ සංගමය (BASL) දැඩි අවධානයෙන් පසුවන බවත්, ඒ පිළිබඳව අධිකරණ අමාත්‍යවරයා සමඟ සාර්ථක සාකච්ඡාවක් පැවැත්වූ බවත් එහි සභාපති නීතිඥ රජීව් අමරසූරිය මහතා ප්‍රකාශ කරයි.

ශ්‍රී ලංකා තොරතුරු සහ සන්නිවේදන තාක්ෂණ නීති සංසදය මගින් සංවිධානය කරන ලද “2026 ICT නීති සම්මන්ත්‍රණය” අමතමින් සභාපතිවරයා මේ බව සඳහන් කළේය.

පසුගිය සෙනසුරාදා අධිකරණ අමාත්‍යවරයා හමුවී පැවැත්වූ සාකච්ඡාවේදී නීතිඥ සංගමය ඉදිරිපත් කළ යෝජනා සම්බන්ධයෙන් විෂයමූලිකව සහ විනිවිදභාවයෙන් යුතුව සලකා බැලීමට අමාත්‍යවරයා සහතික වූ බව අමරසූරිය මහතා පැවසීය. අමාත්‍යවරයාගේ එම වෘත්තීයමය ප්‍රවේශය අගය කළ සභාපතිවරයා, නීතිඥ සංගමයේ ඉල්ලීමට අනුව ජනාධිපතිවරයා සමඟ ඉදිරියේදී සාකච්ඡාවක් සංවිධානය කර දීමටද අමාත්‍යවරයා එකඟ වූ බව වැඩිදුරටත් කියා සිටියේය.

එමෙන්ම මෙම සාකච්ඡාව පදනම් කරගනිමින් ව්‍යාජ සමාජ මාධ්‍ය ගිණුම් ඔස්සේ ප්‍රහාර එල්ල කිරීමට ඇතැම් පාර්ශ්ව උත්සාහ දරන බව පෙන්වා දුන් සභාපතිවරයා, මෙහි කිසිදු පෞද්ගලික ගැටුමක් නොමැති බවත්, මෙවැනි සංවාද සහ සාකච්ඡා ප්‍රතිවිරුද්ධ ප්‍රහාරාත්මක තත්ත්වයන් ලෙස වටහාගත යුතු බවත් අවධාරණය කළේය.