දුම්බර බන්ධනාගාරයේදී වෙඩිවැදී මියගිය රැඳවියාගේ තොරතුරු හෙළිවෙයි! බිරිඳ දෙමස් ගැබිණියක්! (වීඩියෝ)

මහනුවර, පල්ලෙකැලේ දුම්බර බන්ධනාගාරයෙන් පලායාමට තැත් කළ බව කියන රැඳවියෙකු බන්ධනාගාර නිලධාරියෙක් එල්ල කළ වෙඩි ප්‍රහාරයකින් ඊයේ (01) රාත්‍රී 8ට පමණ ජීවිතක්ෂයට පත්ව ඇත.

මෙලෙස මියගොස් ඇත්තේ මත්ද්‍රව්‍ය ග්‍රෑම් 7ක් සන්තකයේ තබාගැනීමේ චෝදනාව මත සතියක පමණ සිට රිමාන්ඩ් බන්ධනාගාරගතව සිටි මහනුවර ගලගෙදර ප්‍රදේශයේ පදිංචි 27 හැවිරිදි තරුණයෙකි. මීට මාස 6කට පමණ පෙර විවාහ වී ඇති ඔහුගේ බිරිඳ මාස 2ක ගැබිනියකි.

බන්ධනාගාර මාධ්‍ය ප්‍රකාශක, කොමසාරිස් සේනක පල්ලෙතැන්න මහතා සඳහන් කළේ රැඳවියා බන්ධනාගාර නිලධාරියෙකුගේ ගිනිඅවිය උදුරාගැනීමට තැත්කිරීමේදී මෙම වෙඩි තැබීම සිදුව ඇති බවයි.

මියගිය පුද්ගලයාගේ මෘත ශරීරය ඊයේ රාත්‍රීයේම මහනුවර ජාතික රෝහල වෙත රැගෙන ගොස් ඇති අතර, පවුලේ ඥාතීන් ද රෝහල වෙත පැමිණ සිටිති.