ශ්‍රී පාද වන්දනාවාරය ආරම්භ වෙන දිනය ගැන දැනුම්දීමක්

2026-2027 වසරට අදාළ ශ්‍රී පාද වන්දනා වාරය එළැඹෙන දෙසැම්බර් 23 වැනිදාට යෙදෙන උඳුවප් පුර පසළොස්වක පෝය දිනයෙන් ආරම්භ කිරීමට නියමිතව තිබෙනවා.

ඊයේ (06) රත්නපුර දිස්ත්‍රික් ලේකම් කාර්යාල ශ්‍රවණාගාරයේ පැවැති විශේෂ සාකච්ඡාවකට එක්වෙමින් ශ්‍රී පාදස්ථානාධිපති අතිපූජ්‍ය බෙන්ගමුවේ ධම්මදින්න නාහිමියන් මේ බව සඳහන් කළා.

2026-2027 ශ්‍රී පාද වන්දනා වාරය ආරම්භ කිරීම සම්බන්ධයෙන් පැවැති මෙම සාකච්ඡාවේදී වන්දනා වාරයට අදාළ කටයුතු පිළිබඳව අවධානය යොමු කර තිබෙනවා.

ඒ අනුව දෙසැම්බර් 23 වැනිදා ආරම්භ වන මෙවර ශ්‍රී පාද වන්දනා වාරය 2027 වසරේ වෙසක් පුර පසළොස්වක පෝය දිනයෙන් අවසන් වීමට නියමිතයි.