අද රෑට අහස බැලුවොත් දර්ශනීය උල්කාපාත වර්ෂා 2ක් දැක ගැනීමට අවස්ථාවක්

අද රාත්‍රියේ සිය හෙට අලුයම දක්වා දර්ශනීය උල්කාපාත වර්ෂා දෙකක් දැකගැනීමට නිරීක්ෂකයින්ට අවස්ථාව හිමිවේ.

ඇමරිකානු කාලගුණ විද්‍යා සංගමය පවසන්නේ The Southern Delta Aquariids සහ Alpha Capricornids ලෙස නම්කර ඇති එම උල්කා වර්ෂා අගෝස්තු 12 දක්වා ක්‍රියාකාරීව පවතිනු ඇති බවයි.

එහි උච්ඡතම අවස්ථාව 29 වැනිදා රාත්‍රියේ සිට 30 අලුයම දක්වා පවතින බව එම සංගමය පවසයි.

නාසා ආයතනයට අනුව, “වසරේ හොඳම උල්කාපාත වර්ෂාව” ලෙස සැලකෙන Perseids, දළ වශයෙන් සති දෙකකින් එනම් අගෝස්තු 12 රාත්‍රියේ සිට අගෝස්තු 13 උදෑසන දක්වා උපරිමයට පැමිණෙනු ඇත.

මෙම සිදුවීම ලොව පුරා විසිර සිටින ජනයාට නිරීක්ෂණය කළ හැකි අතර, සඳ නැති රාත්‍රිය අඳුරු අහස පවතින විට උල්කා වඩාත් හොඳින් නිරීක්ෂණය වීමේ වැඩි සම්භාවිතාවක් පවතී.