වැඩිහිටි දීමනාව ගැන දැනුම්දීමක්

අස්වැසුම් සුබසාධක ප්‍රතිලාභ යෝජනා ක්‍රමය යටතේ අප්‍රේල් මාසයට අදාළ වැඩිහිටි දීමනා හෙට (22) බැංකු වෙත යොමුකරන බව සුබසාධක ප්‍රතිලාභ මණ්ඩලය ප්‍රකාශ කළා.

ඒ අනුව, පළමු අදියරේ අවුරුදු 70 ට වැඩි වැඩිහිටියන් 617,406 දෙනෙකුට සහ දෙවන අදියරේ වැඩිහිටියන් 72,525 දෙනෙකුට මෙලෙස මුදල් බැර කෙරෙනු ඇති.

අදාල ප්‍රතිලාභීන්ට සිය ප්‍රතිලාභී දීමනාව හෙට සිට අස්වැසුම ප්‍රතිලාභී ගිණුම් මගින් ලබාගත හැකි බවයි සුබසාධක ප්‍රතිලාභ මණ්ඩලය වැඩිදුරටත් සඳහන් කළේ.