වෙළෙඳ අමාත්‍යවරයා වශයෙන් කටයුතු කරමින් සිටියදී සතොස ආයතනයේ සේවකයින්, ඔවුන්ගේ නිල රාජකාරිවලින් ඉවත්කර දේශපාලන ක්‍රියාකාරකම්වල යෙදවීම තුළින් රජයට පාඩු කළේ යැයි යන චෝදනාව යටතේ හිටපු අමාත්‍ය ජොන්ස්ටන් ප්‍රනාන්දු ඇතුලු විත්තිකරුවන් තුන්දෙනෙකුට එරෙහිව පවරා ඇති නඩුව ලබන 28 වන දින යළි කැඳවිමට කොළඹ මහාධිකරණ විනිසුරු මොහොමඩ් මිහාල් අද (14) නියෝග කළා.
වෙනත් නඩුවක් සඳහා මේ වනවිට රක්ෂිත බන්ධනාගාර ගතකර සිටින මොහොමඩ් සාකීර් යන විත්තිකරු අසනීප වි බන්ධනාගාර රෝහලේ සිටින බැවින් අද (14) දින මෙම සිද්ධියට අදාලව විවෘත අධිකරණයේ පෙනී නොසිටින බවයි නීතීඥවරුන් අධිකරණයට දන්වා සිටියේ.
ඒ අනුව සිද්ධියට අදාල සාක්ෂි විභාගය අද (14) දින අධිකරණයේ සිදු නොවුනු අතර වැඩිදුර සාක්ෂි විභාගයට ඉදිරි දිනයක් නියම කෙරුණා.
2010 වසරේ සිට 2014 වසර දක්වා කාලසීමාව තුළ වෙළෙඳ අමාත්‍යවරයා වශයෙන් කටයුතු කරමින් සතොස ආයතනයේ සේවකයින් ඔවුන්ගේ නීත්‍යානුකූල රාජකාරිවලින් ඉවත්කර දේශපාලන කටයුතුවල යෙදවීම තුළින් රජයට පාඩුවක් සිදු කළේ යැයි චෝදනා කරමින් හිටපු ජෝන්ස්ටන් ප්‍රනාන්දු, සතොස ආයතනයේ හිටපු සභාපති එරාජ් ප්‍රනාන්දු සහ එහි ක්‍රියාකාරී අධ්‍යක්ෂකවරයෙකු වන මොහොමඩ් සාකීර් යන අයට එරෙහිව අල්ලස් කොමිසම මෙම නඩුව ගොනුකර තිබෙනවා.
හිටපු ඇමති ජෝන්ස්ටන් ප්‍රනාන්දු ඇතුලු විත්තිකරුවන් දෙදෙනා විවෘත අධිකරණයේ අද (14) පෙනී සිටියා.
වෙඩිතබා ඝාතනය කළ අයෙකුගේ දරුවෙකු ඝාතන තැතක්! දෙදෙනෙකු STF අත්අඩංගුවට! 
ජනපතිගෙන් X සටහනක් 
වසරකට වැඩි කාලයකට පසු කොටස් වෙළෙඳපොළ මිල දර්ශකවල දැවැන්ත පසුබෑමක් 
ශ්‍රී ලංකා ගුරු සේවයට උපාධිධාරීන් බඳවා ගැනීමේ විභාගයේ ප්‍රතිඵල පිළිබඳව විශේෂ දැනුම්දීමක් 
බම්බලපිටිය – කාසල් පාරේ මහල් නිවාස සංකීර්ණයක 04 වන මහළේ ගින්නක් 
ලංකාවම රතු වෙයි! කාලගුණයෙන් නිවේදනයක්! 
ඥානසාර හිමියන්ගේ චීවරය ඉවත් කිරීම සම්බන්ධ පෙත්සම සලකා බැලීමට ත්‍රිපුද්ගල විනිසුරු මඩුල්ලක් 
රජයේ උත්සහය ඵල දරයි! අනෝජන්ට පනවා තිබූ මරණ දඬුවම අවලංගු කරයි! 
බැසිල්ට රතු වරෙන්තු ලබාගන්නැයි අධිකරණයෙන් නියෝගයක් 
අධිකරණයට අපහාස කළැයි කෙහෙළිය ඇතුළු පිරිසකට එරෙහිව පෙත්සමක් 
පාකිස්තානය දණගස්වමින් සිංහ පැටව් ජය ලබයි 
එයාර්බස් නඩුවට අල්ලස් කොමිසම ත්‍රිපුද්ගල මහාධිකරණ විනිසුරු මඬුල්ලක් ඉල්ලයි