ශ්‍රී ලාංකික නේල් අධ්‍යාපන හා වෘත්තීය ක්ෂේත්‍රයට ජාත්‍යන්තර අභිමානයක් එක් කරමින්, The Nail Art Academy හි නිර්මාතෘ සහ Master Educator වන දිනුපා ජයසූරිය මහත්මිය, ලන්ඩනයේ පැවති Nailympia London 2026 ජාත්‍යන්තර නේල් තරගාවලියේ විනිශ්චයකාරිනියක ලෙස සහභාගි වූවාය.
2026 ඔක්තෝබර් 4 සහ 5 දෙදින ExCeL London හි පැවති Nailympia London මෙවර සිය 22 වැනි අදියර සනිටුහන් කළ අතර, ලොව රටවල් 40කින් තරගකරුවන් 185 දෙනෙකු සහභාගි වී, online සහ arena අංශ 22ක් යටතේ තරග අවස්ථා 555ක් සඳහා තරග වැදුණි.
ලොව පුරා ප්‍රමුඛ නේල් කලාකරුවන්, වෘත්තීයවේදීන් සහ අධ්‍යාපනවේදීන් එක් වන මෙවැනි ජාත්‍යන්තර වේදිකාවක විනිශ්චය මණ්ඩලයට ශ්‍රී ලංකාව නියෝජනය කරමින් දිනුපා ජයසූරිය මහත්මිය එක් වීම, ඇයගේ වෘත්තීය ජීවිතයේ පමණක් නොව ශ්‍රී ලාංකික නේල් ක්ෂේත්‍රයේ ද සුවිශේෂී සන්ධිස්ථානයකි.
වසර 15කට අධික අත්දැකීම් සහිත Nail Fashion Artistවරියක සහ Master Educatorවරියක වන ඇය, The Nail Art Academy හරහා ශ්‍රී ලංකාව, එක්සත් රාජධානිය ඇතුළු රටවල් ගණනාවක සිසුන්ට නේල් තාක්ෂණය සහ වෘත්තීය දැනුම ලබා දීමට කටයුතු කර ඇත.
The Nail Art Academy හි අධ්‍යාපනික ගමනේ තවත් වැදගත් සන්ධිස්ථානයක් ලෙස එහි Professional Nail Technician Master Course වැඩසටහන City & Guilds Assured තත්ත්වය ලබා ගෙන ඇති අතර, ආයතනය CPD UK හි පිළිගත් අධ්‍යාපන සැපයුම්කරුවෙකු ලෙස ද කටයුතු කරමින් තෝරාගත් පාඨමාලා සඳහා CPD-accredited අධ්‍යාපනය ලබා දෙයි.
මේ හරහා ශ්‍රී ලාංකික සිසුන්ට ජාත්‍යන්තර වෘත්තීය ප්‍රමිතීන් සමඟ ගොඩනැගුණු නේල් අධ්‍යාපනය ලබා ගැනීමට අවස්ථාව උදා වී තිබේ.
ලෝක මට්ටමේ නේල් තරගාවලියක ජාත්‍යන්තර විනිශ්චයකාරිනියක ලෙස කටයුතු කරන Master Educatorවරියකගෙන් සෘජුව ඉගෙන ගැනීමට හැකිවීම, විශේෂයෙන් ශ්‍රී ලාංකික සිසුන්ට ලැබෙන අගනා අවස්ථාවකි. ජාත්‍යන්තර තරග ප්‍රමිතීන්, නවතම තාක්ෂණික දැනුම සහ ගෝලීය කර්මාන්තයේ අත්දැකීම් සිසුන් වෙත සෘජුව ගෙන ඒමට මෙම ජාත්‍යන්තර අත්දැකීම් උපකාරී වේ.
“ශ්‍රී ලංකාවේ දක්ෂතා ලෝක මට්ටමට ගෙන යා හැකි බව අපේ සිසුන් විශ්වාස කළ යුතුයි. ඔවුන්ට වෘත්තීය කුසලතා පමණක් නොව, ජාත්‍යන්තරව සිතන්න, විශාල සිහින දකින්න සහ ලෝකය සමඟ තරග කරන්න අවශ්‍ය විශ්වාසයත් ලබා දීම අපේ වගකීමක්,” යනුවෙන් දිනුපා ජයසූරිය මහත්මිය සඳහන් කළාය.
Nailympia London 2026 විනිශ්චය මණ්ඩලයට ඇය එක් වීම, ශ්‍රී ලාංකික දක්ෂතා ජාත්‍යන්තර වේදිකාවට ගෙන යාමේ තවත් වැදගත් පියවරක් වන අතර, The Nail Art Academy හරහා අනාගත ශ්‍රී ලාංකික නේල් වෘත්තීයවේදීන්ට ලෝක මට්ටමේ අධ්‍යාපනය හා අවස්ථා සමීප කර දීමේ ඇයගේ මෙහෙවර ද තවදුරටත් ශක්තිමත් කරයි.