කුලියාපිටියේ පෙම්වතියගේ නිවසට ගිය සුසිත් ජයවංශ නැමැති 30 හැවිරිදි තරුණයා පැහැරගෙන අතුරුදන් කලේ යැයි කියන සිද්ධිය සම්බන්ධයෙන් පරීක්ෂණ පවත්වන පොලිස් කණ්ඩායම වයඹ පලාතේ හිටපු ප්‍රධාන අමාත්‍ය නීතීඥ අතුල විජේසිංහ මහතාගෙන් ප්‍රශ්ණ කර තිබෙනවා.
ඒ අනුව පසුගිය දෙවැනිදා පැය තුනකට ආසන්න කාලයක් ප්‍රශ්න කර ප්‍රකාශයක් සටහන්කරගෙන ඇතැයි පොලිස් ආරංචි මාර්ග වාර්තා කරනවා.
හිටපු මහ ඇමතිවරයාගේ නිවසට ගොස් මෙම ප්‍රශ්න කිරීම කර ඇතැයිද මෙම තිස් හැවිරිදි තරුණයා අතුරුදන් කිරීමේ සිද්ධියේ ප්‍රධාන සැකකරු ලෙස සැලකෙන සිඟිති නැමැත්තා එම තරුණයා පැහැරගෙන යාමට පෙර දිනයේ හිටපු මහ ඇමතිවරායට දුරකථන ඇමතුමක් ලබා දී ඇතැයිද පොලිස් පරීක්ෂණ වලින් අනාවරණය වී තිබෙනවා.
ඒ අනුව පොලිස් කණ්ඩායම් හිටපු අමාතය අතුල විජේසිංහගෙන් මේ සම්බන්ධව ප්‍රශ්ණ කර ඇත්තේ මෙම කරුණු සම්බන්ධයෙන් බවයි පොලීසිය පවසන්නේ.
එහිදි හිටපු අමාත්‍යවරයා එහිදි පවසා ඇත්තේ අදාල සැකකරු දුවගේ ප්‍රශ්නයක් සම්බන්ධයෙන් තමාගෙන් නීති උපදෙස් පැතූ බවත් පොලීසිය ගොස් පැමිණිලි කර සිද්ධිය විසඳාගන්නා ලෙස තමා එහිදි දැනුම් දුන් බවත් හිටපු අමාත්‍යවරයා පවසා තිබෙනවා.
කෙසේ වෙතත් මෙම සිද්ධියේ ප්‍රධාන සැකකරු ලෙස පැවසෙන සිඟිති නැමැත්තා සහ ඔහුගේ පවුලේ සියලු සාමාජිකයන් ප්‍රදේශයෙන් පළා ගොස් ඇති අතර ඔවුන් සොයා පොලිස් මෙහෙයුම් ක්‍රියාත්මක කරනු ලබනවා.
මේ අතර තරුණයා පැහැර ගැනීමට භාවිත කළ බව කියන වෑන් රථය අද (04) මාතලේ ප්‍රදේශයේ දී සොයාගෙන තිබෙනවා.(source – monara)
පෙම්වතාව පැහැරගෙන ගිය පෙම්වතිය අත්අඩංගුවට 
නුවන් තුශාරට රුපියල් ලක්ෂ 43ක දඩයක් පනවයි 
බස් රථ දෙකක් මුහුණට මුහුණ ගැටීමෙන් 26කට තුවාල 
මැල්සිරිපුර පොලිසියෙන් 13 හැවිරිදි පාසල් සිසුවෙක්ට අමානුෂික ප්රහාරයක් 
ඔලිම්පික් වරම් අපේක්ෂාවෙන් යුපුන් අබේකෝන් අද ධාවන පිටියට 
රුපියල අවප්රමාණය වෙයි