පෙර පාසල් දරුවන්ගේ ආහාර දීමනාව වැඩි කෙරේ

මුල් ළමාවිය සංවර්ධන මධ්‍යස්ථාන හා පෙර පාසල් දරුවන් සඳහා ලබාදෙන උදෑසන ආහාර වේල 2025 වර්ෂයේ සිට දරුවන් 155,000ක් දක්වා වැඩි කිරීමට කැබිනට් අනුමැතිය හිමිව තිබෙනවා.

ඒ අනුව මේ වනවිට එක් දරුවෙකුට දිනකට ලබාදෙන රුපියල් 60ක මුදල රුපියල් 100 දක්වා වැඩි කිරීමටත් රජය තීරණය කර ඇති බව සඳහන්.

මුල් ළමාවිය සංවර්ධනය පිළිබඳව ජාතික ලේකම් කාර්යාලය විසින් 2017 වර්ෂයේ සිට සෞඛ්‍ය අමාත්‍යංශයේ තාක්ෂණික මඟ පෙන්වීම යටතේ අඩු බර සහිත දරුවන් වැඩි ප්‍රතිශතයක් සිටින මුල් ළමාවිය සංවර්ධන මධ්‍යස්ථාන / පෙර පාසල් දරුවන් සඳහා උදෑසන ආහාරවේල ලබා දීමේ වැඩසටහනක් ක්‍රියාත්මක කරනු ලබනවා.

“අඩු බර සහිත දරුවන් වැඩි ප්‍රතිශතයක් සිටින පෙර පාසල්” යන නිර්නායකය පදනම් කරගෙන තෝරාගනු ලබන මුල් ළමාවිය සංවර්ධන මධ්‍යස්ථාන/ පෙර පාසල් වල එම වැඩසටහන ක්‍රියාත්මක කිරීමට කාන්තා හා ළමා කටයුතු අමාත්‍යතුමිය ඉදිරිපත් කළ යෝජනාවට මෙලෙස අනුමැතිව හිමිව තිබෙනවා.