ලෝක කුසලාන ශුරයින්ට ලැබෙන තෑගි මුදල මෙන්න

මෙවර විස්සයි විස්ස ලෝක කුසලාන ක්‍රිකට් තරගාවලියේ ශුරයින්ට ඇමරිකානු ඩොලර් මිලියන 2.3 ක මුදලක්, එනම් රුපියල් කෝටි 69 ක පමණ මුදලක් පිරිනැමීමට ජාත්‍යන්තර ක්‍රිකට් කවුන්සිලය තීරණය කර තිබෙනවා.

එසේම, අනුශුරයින්ට ඩොලර් මිලියන 1.2 කට ආසන්න මුදලක් හිමිවන අතර, අවසන් පූර්ව තරග සඳහා සුදුසුකම් ලබන කණ්ඩායමකට ඇමරිකානු ඩොලර් හය ලක්ෂ හැත්තෑපන්දහසක මුදලක් පිරිනමනු ලබනවා.

තරගාවලියේ අවසන් ස්ථානයට පත්වන කණ්ඩායමට ද ඩොලර් එක් ලක්ෂ දොළොස් දහස් පන්සීයක් පිරිනමන අතර එය මෙරට මුදලින් තුන්කෝටි තිස්හත් ලක්ෂයක් ඉක්මවනවා.

මීට අමතරව ජාත්‍යන්තර ක්‍රිකට් කවුන්සිලය පියවර ගෙන ඇත්තේ, ජයග්‍රහණය කරන සෑම තරගයකටම ඩොලර් තිස්එක්දහස් එකසිය පනස් හතරක මුදලක් ලබාදීමටයි.

තරගාවලිය තුළ අන්තර්ජාතික ක්‍රිකට් කවුන්සිලය කණ්ඩායම් අතර බෙදාහරින‍ මුදල ඇමරිකානු ඩොලර් මිලියන 11 කට අධිකයි.