බංග්ලාදේශ නව අගමැතිට මෝදි කළ ඇරයුම

පළමු විදෙස් සංචාරය ලෙස ඉන්දියාවට පැමිණෙන ලෙස ඉන්දීය අගමැති නරේන්ද්‍ර මොදි බංග්ලාදේශ නව අග්‍රාමාත්‍ය තරීක් රෙහ්මාන්ට ලිපියක් යවමින් පවසා ඇති බව ඉන්දීය මාධ්‍ය වාර්තා කරනවා.

තරීක් රෙහ්මාන් යනු බංග්ලාදේශයේ හිටපු අග්‍රාමාත්‍යවරියක වන කලීඩා සියාගේ වැඩිමල් පුත්‍රයා වන අතර පසුගිය දශක ගණනාව පුරා බංග්ලාදේශයේ අග්‍රාමාත්‍ය ධුරය හිමිවූයේ කලීඩා සියාට සහ ෂෙයික් හසීනාටයි.

මේ වනවිට ෂෙයික් හසීනා 2024 ශිෂ්‍ය අරගලයෙන් පසු ඉන්දියාවට පලාගොස් සිටින බවයි වාර්තා වන්නේ.
කලීඩා සියා පසුගිය දෙසැම්බරයේ අභාවප්‍රාප්ත වුනා.
වසර 17 ක් විදෙස් ගතව සිටි රෙහ්මාන් යළි බංග්ලාදේශය බලා පැමිණ ඉදිරිපත් වූ මහමැතිවරණයේදී බහුතර බලයක් ලබාගෙන අගමැති ධුරයට පත් වූ අතර ඔහු ඊයේ (17) නව බංග්ලාදේශයේ නව අග්‍රාමාත්‍යවරයා ලෙස දිවුරුම් දෙනු ලැබුවා.